Hekla hefur hafið sölu á Combilift og Aisle-Master lyfturum

HEKLA hefur hafið sölu á Combilift og Aisle-Master liðstýrðum lyfturum. Bætast þeir við gott úrval öflugra lyftara frá Caterpillar. Combilift og Aisle-Master eru framleiddir á Írlandi og verða í boði alls 5 gerðir af lyfturum. Aisle-Master - liðstýrður lyftari

Aisle-Master er liðstýrður lyftari með vökvadrifi á öllum hjólum sem auðveldar alla notkun á ósléttu undirlagi og gefur nákvæma stjórnun á öllum hreyfingum. Aisle-Master lyftarar þurfa allt að 50% minna gangapláss en venjulegur lyftari og nýtist því gangapláss allt að 30% betur.

Aisle-Master lyftarar eru með gasdrifinn mótor, með þrívirkum hvarfakút sem gerir tækið mengunarfrítt og nýtist því jafnt inni og úti.

Aisle-Master kemur í tveimur stærðum, með 1,800 kg. eða 2,000 lyftigetu og lyftihæð upp í 7 metra.

Combilift - Flækjufótur

Combilift er dísilknúinn lyftari, sem aka má út á hlið. Hann er því einkar hentugur fyrir flutninga á löngu efni t.d. timbri, stálrörum og prófíl. Lyftarinn þarf aðeins 2ja metra gangapláss og eykur því möguleika á betri nýtingu lagerpláss. Lyftarinn er með drifi a öllum hjólum og með vökvastýringu, sen gerir tækið mjúkt og nákvæmt í allri stjórnun.

Combi lyftarar eru með mengunarbúnaði sem gerir tækið hæft til notkunar bæði inni og úti.

Þrjár stærðir eru í boði: með 2,500 kg., 4,000 kg. og 8,000 kg. lyftigetu og lyftihæð er allt að 7 metrum.