UMSÓKN OG ÚTGÁFA KORTS

Hekla ehf. Laugavegi 170-174 annast útgáfu Þjónustukorta. Hekla áskilur
sér rétt til að leita upplýsinga frá Umferðarstofu Ísland sem að okkar mati eru
nauðsynlegar til að afgreiða kortaumsókn.

Áskilinn er réttur til að breyta skilmálum kortsins og
tilboðum án fyrirvara.

Notkun

Kortinu þarf að framvísa áður en greitt er. Þegar búið er að
renna kortinu í gegn er hægt að greiða úttektina með peningum, debetkorti eða
kreditkorti. Kortið er eingöngu hægt að
nota hjá Heklu á Laugavegi 174 sem og þeim þjónustuumboðum Heklu sem
sérstaklega er tilgreint á heimasíðu Heklu að veiti þjónustukorthöfum
afslætti. Kortið skal eingöngu notast af
korthafa og áskilur Hekla sér rétt til að krefjast handhafa kortsins frekari
skilríkja. Kortið gildir eingöngu fyrir þær bifreiðategundir sem Hekla er
umboðsaðli fyrir.

Samþykki skilmála

Með því að samþykkja skilmála þessa, skuldbindur umsækjandi
sig til þess að fylgja þessum skilmálum. Áður en væntanlegur korthafi samþykkir
skilmálana ber honum að kynna sér þá vandlega.

Notkun persónuupplýsinga

Þegar sótt er um Þjónustukort
skal gefa upp farsímanúmer, netfang og bifreiðaupplýsingar. Hekla áskilur sér
rétt til að nota upplýsingarnar til að senda korthafa upplýsingar um tilboð,
eða annað kynningarefni sem við á. Hekla áskilur sér einnig þann rétt að
samkeyra bifreiðaupplýsingarnar við upplýsingakerfi Umferðarstofu Íslands og
viðskiptamannakerfi sitt. Upplýsingarnar verða aðeins notaðar í þágu
Heklu.

Tilboð og afslættir

Kortið veitir afslátt af tilboðsvörum og þjónustu
sem auglýst er á heimasíðu Heklu hverju sinni. Kortið veitir rétt til að nýta
þá þjónustu sem er sérstaklega auglýst fyrir korthafa. Athugið að sá afsláttur
sem gefinn er upp á hverjum tíma getur verið tímabundinn. Hekla áskilur sér
rétt til að fella tilboð úr gildi án fyrirvara.

Glatað kort

Glatist kort
skal tilkynna það til Heklu, í síma 590 5030. Korthafi getur nálgast nýtt
kort hjá Heklu eða fengið það sent í pósti.

Breytingar á persónuupplýsingum

Korthafi skal tilkynna breytingar á aðsetri, símanúmeri,
tölvupóstfangi og bifreiðaupplýsingum til Heklu jafnskjótt og mögulegt er til
að tryggja að viðeigandi upplýsingar berist honum eftir eðlilegum leiðum.

Skilmálabreytingar

Hekla áskilur sér fullan rétt til að breyta ákvæðum þessara
kortaskilmála, enda verði handhafa Þjónustukortsins tilkynnt um það.
Útsending nýrra kortaskilmála í tölvupósti og/eða birting á heimasíðu Heklu
telst nægileg tilkynning. Litið er svo á, að handhafi Þjónustukortsins
hafi samþykkt breytinguna ef hann notar kortið eftir að tilkynning um breytingu
hefur verið gefin út.