Frumsýning á Skoda Octavia Scout

Laugardaginn 7. febrúar frumsýnir HEKLA nýjan Skoda Octavia Scout. Skoda Octavia Scout er eins og sönnum skáta sæmir tilbúinn að takast á við hin erfiðustu verkefni.

Laugardaginn 7. febrúar  frumsýnir HEKLA nýjan Skoda Octavia Scout.

Skoda Octavia Scout er eins og sönnum skáta sæmir tilbúinn að takast á við hin erfiðustu verkefni. Í Skoda Octavia Scout eru þér allir vegir færir en hvort sem er í borginni eða úti á landi þá greinir hann sig frá öðrum bílum með hærri veghæð, sterku hlífðarplasti á yfirbyggingunni og að innan með þægilegu sætaáklæði og fótstigum úr ryðfríu stáli. Auk þess er hann einstaklega rúmgóður eða með 610 lítra farangurshólfi. Skoda Octavia Scout er líka skemmtilegur öruggur.

Skoda hefur verið sérstaklega vinsæll síðustu ár en þess má geta að á síðasta ári voru öll sölumet slegin og í fyrsta skipti í 120 ára sögu Skoda seldi fyrirtækið meira en milljón bíla á heimsvísu á einu ári.

Það er skemmtileg fjölskyldustund að fara á frumsýningu og þar sem Octavia Scout er einstaklega fjölskylduvænn verður frumsýningin það líka. Í boði verður ís og andlitsmálning fyrir börnin.

Opið verður frá 12-16 á laugardaginn.