Fara í efni

Frumsýning á Volkswagen e-Golf

Á morgun, laugardag, mun Volkswagen á Íslandi frumsýna e-Golf. Markmið Volkswagen með þróun e-Golf er að gera rafbíla að valkosti fyrir hinn almenna bíleiganda.

Á morgun, laugardag, mun Volkswagen á Íslandi frumsýna e-Golf. Markmið Volkswagen með þróun e-Golf er að gera rafbíla að valkosti fyrir hinn almenna bíleiganda. Það má segja að e-Golf bjóði nýjustu tæknina í kunnuglegum umbúðum, því e-Golf er ekki eingöngu rafbíll, heldur einnig allt annað sem Golf hefur upp á að bjóða með 40 ára þróun Golf. Þannig gerir e-Golf eigandi engar málamiðlanir á kröfur um þægindi, öryggi og tæknilausnir.

e-Golf er niðurstaða margra ára umfangsmikillar vinnu Volkswagen, sem hefur hannað algerlega nýja línu rafmótora sem skara fram úr – léttir, mjög öflugir og einstaklega hljóðlátir.

Helstu breytingarnar sem e-Golf eigandi upplifir í akstri er fullkomnlega hljóðlátur akstur í bíl með gríðarlegri snerpu og aðeins einum drifgír. Rafhlaðan í bílnum er sérlega endingargóð en Volkswagen veitir 8 ára ábyrgð á rafhlöðunni sem er hönnuð til að taka sem minnst pláss.

Akstursdrægni bílsins er allt að 190km, sem gerir e-Golf að bíl sem hentar akstursþörfum langflestra, enda er meðalakstur Íslendinga undir 40km á dag.

e-Golf gerir útblásturslausan akstur að raunverulegum valkosti. Á Íslandi er raforkan í sérflokki, þar sem hún kemur eingöngu frá hreinum endurnýjanlegum orkugjöfum. Viðtökur e-Golf hafa verið einstaklega góðar í rafbílavæddasta landi heims Noregi, en þar reiknar Volkswagen með sölu 8.000 bíla á næsta ári. Eins og í Noregi eru rafbílakaup einstaklega hagkvæm á Íslandi vegna mjög hagstæðs raforkuverðs, tollflokkakerfis og undanþágu frá virðisaukaskatti. Því má búast við að e-Golf muni höfða til margra sem vilja sameina umhverfisvænan og hagkvæman akstur í glæsilega hönnuðum og öruggum bíl.

Á laugardaginn mun HEKLA bjóða uppá reynsluakstur á e-Golf.Opið er hjá HEKLU 170-174 á laugardaginn frá 12 til 16 og eru allir velkomnir.