Fáðu fría þjónustuskoðun fyrir bílinn þinn

Við auglýsum eftir bílum til þess að framkvæma hulduheimsóknir á verkstæðum okkar sem er mikilvægur hluti af gæðakerfi okkar. Ferlið er þannig að bifreið er tekin og "bilun komið fyrir" í henni áður en hún fer í þjónustukoðun til að við getum metið hvernig frammistaða okkar er.

Þátttaka í hulduheimsókn á verkstæðum felur í sér einhverja fyrirhöfn að hálfu þátttakenda sem fyrir vikið fær þjónustuskoðun á bílnum sínum fría. Hinsvegar þarf að greiða efnis- og vinnukostnað vegna þátta sem tengjast ekki hulduheimsókninni sjálfri. Er þar átt við mögulegar viðgerðir sem framkvæma þarf á bílnum og eru ekki hluti af þjónustuskoðun, en um slíkt er ávallt tilkynnt fyrirfram og samið um kostnað.

Þessar hulduheimsóknir eru framkvæmdar reglulega og ef þú verður fyrir valinu þá verður haft samband við þig. HEKLA áskilur sér rétt til þess að hafna umsóknum án skýringa.

Eftirfarandi bifreiðar uppfylla þátttökuskilyrði:

  • Bifreiðin er 1-7 ára gömul
  • Kominn er tími á 30.000 km, 60.000 km, 90.000 km. eða 120.000 km. þjónustuskoðun
  • Bifreiðin hefur fylgt reglubundnu þjónustueftirliti skv. handbók hjá HEKLU eða þjónustuumboðum sem eru í samstarfi við HEKLU.

Ef bifreiðin þín uppfyllir þessi skilyrði þá getur þú sótt um þátttöku hér að neðan og við hlökkum til að heyra frá þér.

Til þess að öðlast rétt á þátttöku í þessari gæðaprófun og frírri þjónustuskoðun eins og lýst er hér að ofan samþykki ég eftirfarandi:

  • að fara í gegnum hulduheimsóknarferilinn og svara spurningarlista að honum loknum
  • að panta tíma fyrir bifreiðina með símtali til viðkomandi þjónustuaðila
  • að koma með og sækja bifreið á opnunartíma verkstæða
  • að ég hafi ekki persónuleg tengsl eða hagsmuni við þjónustuaðilan sem framkvæmir verkið
  • að ég greiði sérstaklega kostnað vegna þátta sem tengjast ekki hefðbundinni þjónustuskoðun og hulduheimsókninni sjálfri
  • að þagnarskylda hvíli yfir hulduheimsókninni og niðurstöðum hennar
  • að ég muni eyða allt að 2 tímum á vinnutíma með ráðgjöfum HEKLU
  • að bifreið mín hafi fengið fyrirbyggjandi viðhald (smur- og þjónustuskoðanir) skv. þjónustuskipulagi hennar hjá HEKLU eða þjónustuumboðum sem eru í samstarfi við HEKLU
  • að bifreiðin er minnst eins árs gömul og mest sjö ára gömul og ekin á milli 30.000 km. til 120.000 km.
  • að bifreiðin er ekki bundin þjónustusamningi við HEKLU eða viðurkennt þjónustuumboð