Fara í efni

Fréttir

Tvöföld ánægja á Skoda daginn!

Það var líf og fjör í Skoda salnum á laugardaginn þegar árlegur Skoda dagur HEKLU var haldinn hátíðlegur. Fjöldi gesta lagði leið sína á Laugaveginn til að gæða sér á funheitum grilluðum pylsum og skoða frumsýningarstjörnur dagsins, Skoda Kodiaq og Skoda Octavia ...

Það var líf og fjör í Skoda salnum á laugardaginn þegar árlegur Skoda dagur HEKLU var haldinn hátíðlegur. Fjöldi gesta lagði leið sína á Laugaveginn til að gæða sér á funheitum grilluðum pylsum og skoða frumsýningarstjörnur dagsins, Skoda Kodiaq og Skoda Octavia. Sportjeppinn Kodiaq er fyrsti jeppi Skoda í fullri stærð og hefur heldur betur slegið í gegn. Hann er margverðlaunaður fyrir hönnun og nýsköpun í tæknilausnum. Ný útfærsla á vinsæla fjölskyldubílnum Skoda Octavia var einnig frumsýnd en hún hefur fengið andlitslyftingu auk þess sem hún er stútfull af tækninýjungum og snjallari en nokkru sinni fyrr. „Mikill spenningur hefur verið fyrir Kodiaq frá því að við tilkynntum um komu hans og um 100 manns hafa nú þegar forpantað sér jeppann,“ segir Gestur Benediktsson, sölustjóri Skoda. „Bílar í þessum stærðarflokki eru vinsælir þessa dagana og við fundum fyrir gríðarlegum áhuga gesta. Skoda Octavia er svo alltaf jafnvinsæll enda hefur hann verið einn söluhæsti fjölskyldubíll landsins síðustu ár og það var ljóst á Skoda deginum að gestum þótti nýja útfærslan koma vel út

Auk Kodiaq og Octavia mátti einnig skoða flaggskip Skoda, Superb, sem og lipra borgarsmábílinn Skoda Fabia og jepplinginn Skoda Yeti. Grillið var á fullu blasti í góða veðrinu og yngsta kynslóðin fékk skemmtilega andlitsmálningu á meðan þeir fullorðnu kynntu sér bílaflotann. „Það var stríður straumur gesta allan daginn og veðrið var alveg frábært. Þetta var skemmtilegur og vel heppnaður dagur í alla staði,“ segir Gestur.

Hér má skoða fleiri myndir

Hér má skoða myndband frá Skoda deginum

Ný Octavia og Kodiaq frumsýnd á árlegum Skoda degi HEKLU!

Skoda dagurinn verður haldinn hátíðlegur laugardaginn 20. maí milli kl. 12 og 16 í höfuðstöðvum Skoda við Laugaveg 170 – 174 þar sem boðið verður upp á grillaðar pylsur, svaladrykki og andlitsmálningu. Að auki verður Skoda deginum fagnað á Bílasölu Selfoss, Höldi Akureyri ...

Skoda dagurinn verður haldinn hátíðlegur laugardaginn 20. maí milli kl. 12 og 16 í höfuðstöðvum Skoda við Laugaveg 170 – 174 þar sem boðið verður upp á grillaðar pylsur, svaladrykki og andlitsmálningu. Að auki verður Skoda deginum fagnað á Bílasölu Selfoss, Höldi Akureyri og HEKLU Reykjanesbæ. Á öllum stöðum verður margt um að vera og helst ber að nefna frumsýningar á nýrri og uppfærðri Skoda Octaviu ásamt sportjeppanum Skoda Kodiaq.

 Vinsæla fjölskyldubílinn Skoda Octavia þarf vart að kynna en hann er einn mest seldi bíll á Ísland. Nýi bíllinn hefur fengið andlitslyftingu og er mikið uppfærður. Hönnunin er enn fágaðri og framsæknari en áður og ný LED dag- og afturljós skína skært. Ný Octavia er einstaklega rúmgóð með allt að 610 lítra farangursrými sem hægt er að stækka í 1.740 l. Hún kemur með ótal nýjum tæknimöguleikum eins og nýju upplýsinga- og afþreyingarkerfi með allt að 9,2 tommu skjá og þráðlausri snjallsímahleðslu. Meðal staðalbúnaðar í nýju útgáfunni er leðurklætt aðgerðastýri, LED afturljós og bakkmyndavél. Úrval aukabúnaðar er í boði á borð við tengivagnsaðstoð, fjarlægðatengdan hraðastilli og blindsvæðagreini. Þrjár gerðir véla eru fáanlegar; 1.4 lítra metan- og bensínvél og 1.6 og 2.0 lítra dísilvélar.

Skoda Kodiaq er fyrsti jeppi framleiðandans í fullri stærð og hefur slegið í gegn um allan heim. Hann er fjölnota jeppi sem þykir státa af kraftmikilli hönnun og hann hefur einnig hlotið mikið lof fyrir tengibúnað og nýsköpun í tæknilausnum. Kodiaq er í boði fimm og sjö manna, hann 4,75 metrar á lengd og með stærsta farangursrýmið í sínum flokki. Í boði eru bæði 1.4 lítra bensínvélar og 2.0 lítra dísilvélar.

„Við erum mjög stolt að frumsýna þessa flottu bíla. Octavia er einn söluhæsti bíllinn á Íslandi og eftir uppfærsluna verður hann eflaust enn vinsælli. Kodiaq jeppinn er nýjasta útspilið frá Skoda og gefur forsmekkinn af því sem koma skal en Skoda hyggst auka úrvalið á sportjeppamarkaði til muna á næstu misserum. Það er mikil eftirspurn eftir Kodiaq og um 100 manns hafa forpantað hann svo það er gaman að geta frumsýnt hann. Að auki verðum við að sjálfsögðu með Superb, Fabiu og Yeti til sýnis, pylsur á grillinu og andlitsmálningu fyrir yngstu kynslóðina,“ segir Gestur Benediktsson sölustjóri Skoda.

Meira um nýja Octaviu

Meira um Kodiaq

 

Yfirburðir í tengiltvinnbílum hjá HEKLU!

Mitsubishi Outlander PHEV er mest seldi tengiltvinnbíllinn á Íslandi það sem af er árinu 2017 en 22% allra tengiltvinnbíla sem seldir voru hér á landi fyrstu fjóra mánuði ársins voru af þeirri tegund ...

Mitsubishi Outlander PHEV er mest seldi tengiltvinnbíllinn á Íslandi það sem af er árinu 2017 en 22% allra tengiltvinnbíla sem seldir voru hér á landi fyrstu fjóra mánuði ársins voru af þeirri tegund. Bíllinn er reyndar líka mest seldi bíllinn á Íslandi sem gengur fyrir rafmagni og geri aðrir betur. 

Ekkert bílaumboð á Íslandi selur fleiri græna bíla en Hekla en mikill meirihluti allra vistvænna bíla sem seljast koma frá Volkswagen, Skoda, Audi og Mitsubishi. Hekla er einnig leiðandi í sölu metanbíla og er með 98,4% markaðshlutdeild í flokki þar sem Skoda Octavia og Volkswagen Golf bera höfuð og herðar yfir aðra tegundir.

„Sem merki um aukinn áhuga á vistvænum bílum hafa biðlistar myndast eftir tengiltvinnbílum okkar frá Volkswagen, Mitsubishi og Audi,“ segir Jóhann Ingi Magnússon, sölustjóri Volkswagen hjá HEKLU.

Hekla lætur sér þetta ekki nægja, heldur fagnar því líka að fyrstu fjóra mánuði ársins reyndist mest seldi sendibíllinn vera Volkswagen Caddy. Það er því óhætt að segja að bílarnir frá Heklu séu grænir og vænir.

 

 

Volkswagen Amarok

Nýr Amarok verður frumsýndur hjá HEKLU Laugavegi, laugardaginn 6. maí, milli kl. 12 og 16. Amarok er glæsilegur pallbíll og fæst nú með 3.0 lítra, V6 dísilvélum. Í boði er 224 hestafla vél með 550 Nm togi

Nýr Amarok verður frumsýndur hjá HEKLU Laugavegi, laugardaginn 6. maí, milli kl. 12 og 16.

Volkswagen Amarok er glæsilegur pallbíll og fæst nú með 3.0 lítra, V6 dísilvélum. Í boði er 224 hestafla vél með 550 Nm togi og 204 hestafla vél með 500 Nm togi. Hann er með fullkomnu 4Motion fjórhjóladrifi og dráttargetan er 3.500 kgÞessi glæsilegi pallbíll er með mikið innanrými og stóran pall og hann er þægilegur í lengri sem styttri ferðum. Beygjuradíusinn er innan við 13 m. sem gerir hann einstaklega lipran í borgarumferð auk þess sem hann tæklar erfiðustu aðstæður með fullkomnu fjórhjóladrifi og er sérlega stöðugur í akstri.

Volkswagen Amarok sameinar kosti lúxusjeppa og pallbíls og kemur einstaklega vel útbúinn. Meðal staðalbúnaðar má nefna tvískipta tölvustýrða loftkælingu, fjarlægðarskynjara að framan og aftan, Bluetooth, 18” álfelgur, sjálfvirkan vélarhitara (Webasto) og regn- og birtuskynjara. 

Hlökkum til að sjá þig!

Lesa má nánar um Amarok hér

Viljayfirlýsing undirrituð

Dagur B. Eggertsson borgarstjóri og Friðbert Friðbertsson forstjóri HEKLU skrifuðu í dag undir viljayfirlýsingu um uppbygginguna og verður hún samstillt við fyrirhugaðan flutning höfuðstöðva Heklu í ...

Samstarf HEKLU og Reykjavíkurborgar:
Uppbygging íbúða og þjónustu á lóðum HEKLU við Laugaveg og Brautarholt

  • Möguleg uppbygging 320 – 350 íbúða
  • Hugmyndasamkeppni um framtíðarskipulag lýkur í næsta mánuði

Umtalsverð fjölgun íbúða og þjónustuhúsnæðis er fyrirhuguð við ofanverðan Laugaveg á athafnasvæði HEKLU við Laugaveg og Brautarholt.  Gert er ráð fyrir að fjöldi íbúða á svæðinu geti verið 320 – 350 íbúðir.

Dagur B. Eggertsson borgarstjóri og Friðbert Friðbertsson forstjóri HEKLU skrifuðu í dag undir viljayfirlýsingu um uppbygginguna og verður hún samstillt við fyrirhugaðan flutning höfuðstöðva Heklu í Suður-Mjódd, en unnið er að því hjá Reykjavíkurborg að gera þá lóð úthlutunarhæfa.  

Hugmyndasamkeppni er í gangi

Nú stendur yfir hugmyndasamkeppni um framtíðarskipulag svæðis meðfram samgöngu- og þróunarás við Laugaveg og er niðurstöðu dómnefndar að vænta í næsta mánuði.  Að undangengnu forvali voru valin fimm teymi sem eru:

  • ASK arkitektar, Landmótun og Efla.
  • jvantspijker architects frá Hollandi.
  • Yrki arkitektar.
  • Henning Larsen Architects frá Danmörku og Batteríið arkitektar.
  • Björn Ólafs, Daníel Ólafsson, Gunnar P. Kristinsson og Birgir Ö. Jónsson.

Teymin skila gögnum 12. júní og dómnefnd er ætlað að ljúka störfum eigi síðar en 29. júní nk.

Blönduð byggð – íbúðir og þjónusta

Í Aðalskipulagi Reykjavíkur er Laugavegur skilgreindur sem hluti af samgöngu- og þróunarás, en þarna mun hin nýja Borgarlína liggja. Markmið aðalskipulags er að þétta byggð meðfram ás almenningssamgangna á milli miðborgar og lykil þróunarsvæða í austri. Við endurskipulagningu svæða sem liggja við samgönguásinn á að þróa núverandi götur í borgargötur með sérakreinum fyrir almenningssamgöngur og hugað er sérstaklega að þéttingu byggðar í grennd við biðstöðvar.

Gert er ráð fyrir blandaðri byggð,  íbúðabyggð og atvinnu­starf­semi, á svæðinu til framtíðar.  

Við uppbygginguna verða lögð til grundvallar markmið Reykjavíkurborgar um aukna hlut­deild leigu­markaðs á hús­næðismarkaði, blöndun byggðar á svæðinu og kauprétt vegna félags­legs hús­næðis og leigu­íbúða. Jafnframt er skilyrði að hugsað sé um listskreytingar á svæðinu. HEKLA hf. mun kosta vinnu við undirbúning og gerð deiliskipulagsbreytinga á reitnum ásamt Reykjavíkurborg.

Skipulagsferli tveggja uppbyggingarreita þarf að ganga upp

Í samkomulaginu er gert ráð fyrir framtíðaraðstöðu HEKLU í Suður-Mjódd. Í ljósi mikilvægis þess að tímaáætlanir og samningagerð um Laugaveg annars vegar og Mjódd hins vegar séu sam­ræmdar verður myndaður samráðshópur beggja aðila til að verkstýra vinnu við gerð deiliskipulagstillagna og samkeppni. Stillt verður upp sameiginlegri tímaáætlun skipulagsferlis beggja reitanna. Samráðshópurinn skal samræma tímaáætlanir vegna beggja reitanna með það að markmiði að lóð í Suður-Mjódd verði úthlutunarhæf á sama tíma og samþykkt deili­skipulag liggur fyrir á Laugavegi.

Í frétt á vef Reykjavíkurborgar eru myndir og vísanir í tengt efni, s.s. keppnislýsingu  >  http://reykjavik.is/frettir/uppbygging-ibuda-og-thjonustu-lodum-heklu-vid-laugaveg

Metár hjá Volkswagen atvinnubílum!

Árið 2017 byrjar vel hjá Volkswagen atvinnubílum sem hafa aukið sölu á heimsvísu um átta prósent frá því í fyrra. Mikil aukning varð ...

Árið 2017 byrjar vel hjá Volkswagen atvinnubílum sem hafa aukið sölu á heimsvísu um átta prósent frá því í fyrra. Mikil aukning varð í mars síðastliðnum og sala á Volkswagen Crafter jókst til að mynda um 16.9% miðað við sama mánuð 2016. 

400.000 afsláttur af ævintýraþyrstum Cross Polo!

Volkswagen Cross Polo er djarfari útgáfan af hefðbundnum Polo og hentar vel ævintýraþyrstum. Þessi fjörkálfur er vel útbúinn fyrir ferðalagið og með 17,5 cm veghæð ...

Volkswagen Cross Polo er djarfari útgáfan af hefðbundnum Polo og hentar vel ævintýraþyrstum. Þessi fjörkálfur er vel útbúinn fyrir ferðalagið og með 17,5 cm veghæð, 17" Canyon felgum, App Connect með Mirror Link og Apple Car Play, ABS hemlum með „Brake Assist“ og íslensku leiðsögukerfi tælir hann þig með sér í ævintýraleit.

Beinskiptur Cross Polo 1.4 TDI er á tilboðsverði: 2.990.000 kr.

Sjálfskiptur Cross Polo 1.2 TSI er á tilboðsverði: 3.090.000 kr.

Ef þú vilt ná nýjum hæðum á veginum skaltu koma og prófa nýjan CrossPolo: http://www.hekla.is/crosspolo

 

Mitsubishi Outlander PHEV mest seldi tengiltvinnbíllinn!

Mitsubishi Outlander PHEV er mest seldi tengiltvinnbíllinn á Íslandi samkvæmt opinberum tölum og á það bæði við um heildarsölu ársins 2016 og fyrstu tvo mánuði ársins 2017. Tengiltvinnbíll er bifreið sem er bæði með hefðbundna vél og gengur jafnframt fyrir rafmagni ...

Mitsubishi Outlander PHEV er mest seldi tengiltvinnbíllinn á Íslandi samkvæmt opinberum tölum og á það bæði við um heildarsölu ársins 2016 og fyrstu tvo mánuði ársins 2017.  Tengiltvinnbíll er bifreið sem er bæði með hefðbundna vél og gengur jafnframt fyrir rafmagni, en slíkir bílar verða æ vinsælli þegar bifreiðaeigendur huga að vistvænni lífsmáta.  PHEV hefur svo sannarlega slegið í gegn eins og sölutölur sýna og þakkar HEKLA viðskiptavinum sínum fyrir góðar móttökur.

Mitsubishi, sem fagnar 100 ára afmæli á þess ári, fær því góða byrjun á afmælisárinu, en ekki bara hvað varðar metsölu á Mitsubishi Outlander PHEV. Salan á Mitsubishi bílum hefur nefnilega tvöfaldast milli ára í magni og að auki hefur markaðshlutdeild Mitsubishi aukist um 60% það sem af er ári 2017 og er Mitsubishi nú komið í hóp 10 mest seldu vörumerkja á Íslandi. HEKLA, sem verið hefur umboðsaðili Mitsubishi um árabil, fagnar sterkari stöðu vörumerkisins og um leið 100 ára afmæli Mitsubishi.

Það er því óhætt að segja að Mitsubishi sé á góðu skriði og framundan eru ýmsar skemmtilegar nýjungar sem eiga eftir að gera Mitsubishi að enn athyglisverðara vörumerki.

Hulunni svipt af nýjum Audi Q5!

Laugardaginn 25. febrúar frumsýnir HEKLA nýja kynslóð Audi Q5 sem beðið hefur verið eftir með mikilli eftirvæntingu. Lúxusjepplingurinn Audi Q5 kom fyrst á markað árið 2008 og sló samstundis í gegn út um allan heim. Hann var mest seldi bíllinn í sínum flokki í sex ár

Laugardaginn 25. febrúar frumsýnir HEKLA nýja kynslóð Audi Q5 sem beðið hefur verið eftir með mikilli eftirvæntingu. Lúxusjepplingurinn Audi Q5 kom fyrst á markað árið 2008 og sló samstundis í gegn út um allan heim. Hann var mest seldi bíllinn í sínum flokki í sex ár og er einn farsælasti bíll Audi. 1,6 milljón eintaka fyrstu kynslóðar Q5 hafa selst og nú er komið að annarri kynslóðinni að slá í gegn. „Eftirspurnin eftir nýjum Q5 hefur verið mikil enda um einn vinsælasta bíl Audi að sem var sá mesti seldi í sínum flokki sex ár í röð. Nýja kynslóðin er mikið uppfærð og gefið í hvað varðar tækni, hönnun og þægindi svo spennan er mikil,“ segir Árni Þorsteinsson, sölustjóri Audi.

Það var mikil pressa á sérfræðingum Audi að toppa þessa uppskrift að árangri en það virðist hafa tekist. Eftir stranga þjálfun í æfingabúðum lítur nýr Q5 dagsins ljós. Hann er stærri á flesta kanta og plássið hefur aukist en þó er hann allt að 90 kílóum léttari, þökk sé skynsamlegu efnavali í yfirbyggingunni og hugvitsamlegum tæknilausnum. Nýr Q5 er stútfullur af framsæknum tækninýjungum á borð við nýja skynvædda loftfjöðrun og kraftmeiri vélar og einn af hápunktum nýju kynslóðarinnar er nýtt quattro-aldrif með forspárgetu. Drifið aðlagar togdreifinguna að aksturslaginu. Það aftengir afturdrifið þegar við á og minnkar eldsneytiseyðslu og sér fyrir þörfina á aldrifi þegar gefið er vel inn eða knappar beygjur eru framundan. Sparneytnin er í fyrirrúmi og enginn greinanlegur munur er á togkrafti og aksturseiginleikum í samanburði við sítengd kerfi.

Það er hvergi gefið eftir í þægindum og hönnun nýju kynslóðarinnar. Q5 býr yfir ríkulegu plássi fyrir fimm farþega auk hentugra hleðslu- og geymslumöguleika. Hægt er að fella niður sætisbökin aftur í með fjarstýringu og auka plássið í skottinu upp í 1.550 l. Ef hendur eru fullar kemur snertilaus opnun á skotti sér vel. Nýr Q5 er sportlegur og vekur eftirtekt. Sérhvert smáatriði í endurspeglar séreinkenni Q-hönnunarinnar. Þetta gildir meðal annars um sérkennandi vélarhlífina og slútandi þakið, sem og útispeglana og mjóa gluggalínuna. Endurhönnun þaksins hefur lága loftmótstöðu sem gerir það að verkum að vindmótsstuðullinn er aðeins 0.30 Cd í útfærslum með fjögurra sílindra vélar. Framfarirnar í nýrri kynslóð eru einnig augsýnilegar á stafrænu Audi virtual mælaborðinu með 12,3 tommu háskerpuskjá sem sýnir margvíslegar upplýsingar sem tengjast akstrinum. Í boði er fjöldi upplýsinga- og afþreyingakerfa ásamt úrvali tengimöguleika og aðstoðarkerfa.

Í boði eru þrjár vélar, 190 hestafla 2.0 TDI, 286 hestafla 3.0 TDI og 252 hestafla 2.0 TFSI. Afl vélanna hefur aukist um 10%, eða allt að 27 hestöfl, en eldsneytiseyðsla hefur minnkað. Það tekur nýjan Audi Q5 6,3 sekúndur að komast í hundraðið og hámarkshraði er 237 km á klukkustund.

Vertu með þeim fyrstu að reynsluaka Audi Q5 og skráðu þig á www.hekla.is/audiq5

Hér má finna nánari upplýsingar um Audi Q5 

Volkswagen-veisla!

Nýr Volkswagen up! verður frumsýndur á stórsýningu HEKLU laugardaginn 14. janúar. Þessi töfrandi tískutöffari er orðinn ennþá ferskari en áður eftir glæsilega uppfærslu. Stuðarinn hefur fengið andlitslyftingu og LED-ljós eru nú staðalbúnaður. Þak og hurðarspeglar bjóðast ...

Nýr Volkswagen up! verður frumsýndur á stórsýningu HEKLU laugardaginn 14. janúar. Þessi töfrandi tískutöffari er orðinn ennþá ferskari en áður eftir glæsilega uppfærslu. Stuðarinn hefur fengið andlitslyftingu og LED-ljós eru nú staðalbúnaður. Þak og hurðarspeglar bjóðast í nýjum litum, álfelgur fást í lit og sæti eru með nýju sniði. Þá er snjallsímasamþætting nýjung þar sem síminn er settur í stand fyrir ofan miðstöðina og notaður sem stjórnborð fyrir upplýsinga- og afþreyingakerfi með leiðsögukerfi. Leðurklætt aðgerðastýri og bakkmyndavél er í fyrsta skipti valmöguleiki í up! Up! er lipur borgarbíll sem lætur vel að stjórn og hann kemur í mörgum skemmtilegum útfærslum. Tónlistarunnendur fagna honum í Beats-útfærslunni sem kemur með 300 vatta hljómflutningskerfi úr smiðju hip-hop listamannsins Dr. Dre. Metanútfærslan Eco up! er jafnvígur á metan og bensín og eyðir einungis 44 m3 í blönduðum akstri. Eldsneytiskostnaður er lægri þar sem metanverð er talsvert  ódýrari orkukostur en bensín og að auki er verðið á eco up! einstaklega hagstætt því hann ber engin vörugjöld. Rafmagnsbíllinn e-up! kemst allt að 150 kílómetra á einni hleðslu.

Forsýning og forsala á nýrri kynslóð Volkswagen Amarok hefst á stórsýningunni. Í nýjum Amarok sameinast 100% lúxus og 100% pallbíll án nokkurra málamiðlana. Hann kemur með einstaklega aflmiklum 3.0 lítra V6 dísilvélum með allt að 550 Nm togi og átta gíra sjálfskiptingu og dráttargetan er 3500 kg. Notkunarmöguleikar Amarok eru miklir en hann er með mikið innanrými og stóran pall og er þægilegur í jafnt lengri sem styttri ferðum. Beygjuradíusinn er innan við 13 m. sem gerir hann einstaklega lipran í borgarumferð auk þess sem hann tæklar erfiðustu aðstæður með fullkomnu fjórhjóladrifi og er sérlega stöðugur í akstri. Búnaðurinn í nýjum Amarok er einstaklega ríkulegur og meðal staðalbúnaðar má nefna hita í framsætum, tvískipta tölvustýrða loftkælingu, fjarlægðarskynjara að framan og aftan, Bluetooth, 18" álfelgur, sjálfvirkan vélarhitara (Webasto) og regn- og birtuskynjara. Í Highline Plus útfærslunni eru LED aðalljós og bakkmyndavél og slíkt eintak verður til sýnis á forsýningunni.

Forsala á nýrri kynslóð rafmagnsbílsins Volkswagen e-Golf og tengiltvinnbílsins Golf GTE hefst í HEKLU á laugardaginn. Hugvitsamlegar lausnir hafa gert hönnunina á e-Golf enn meira heillandi en ásamt nýjum stuðara er það einkum nýju LED afturljósin sem einkenna þessa nýju hönnun. Hann fær nýja innréttingu auk þess sem síðar á árinu verður Discover Pro margmiðlunartækið með 9.2“ glerskjá og WiFi hotspot í Premium útgáfu. Nýr e-Golf býður upp á mun meiri drægni en fyrirrennarinn og hann er fyrsti rafmagnsbíllinn með upplýsinga- og afþreyingakerfi sem býður upp á hreyfistýringu sem staðalbúnað. Milli kynslóða hefur meðaldrægni bílsins aukist um 50 prósent og er nú komin upp í 300 kílómetra samkvæmt NEDC-staðlinum (New European Driving Cycle). Ýmsar fleiri breytingar hafa verið gerðar og sá nýi býður til að mynda upp á meira afl. Í nýrri útgáfu e-Golf er ný rafhlaða þar sem orkugetan hefur verið aukin úr 24,2 kWh upp í 35,8 kWh og aflið hefur aukist úr 15kW í 100 kW. Togkraftur hefur aukist úr 200 Nm í 290 Nm og Volkswagen hefur líka bætt afköstin. Þrátt fyrir aukningu afls og drægni hefur sama sparneytnin haldist óbreytt. Nýr e-Golf hentar sérstaklega vel í hversdagsakstri. Nú er kominn fram raunverulegur valkostur fyrir alla að skipta yfir í vel út búinn og útblásturslausan einkabíl.

Hér má sjá myndir af frumsýningar- forsýningar- og forsölustjörnum Volkswagen: