Fara í efni

Fréttir

Fullt hús jeppa og jepplinga á stórsýningu HEKLU!

Það var líf og fjör í höfuðstöðvum HEKLU þegar blásið var til stórsýningar síðastliðinn laugardag. Til sýnis voru bílar af öllum stærðum og gerðum með áherslu á jeppa og jepplinga en Hekla býður upp á eina fjórtán slíka og hefur úrvalið aldrei verið meira. Mitsubishi frumsýndi þann nýjasta, sportjeppann Eclipse Cross, sem er frábær viðbót ...

Það var líf og fjör í höfuðstöðvum HEKLU þegar blásið var til stórsýningar síðastliðinn laugardag.

Til sýnis voru bílar af öllum stærðum og gerðum með áherslu á jeppa og jepplinga en Hekla býður upp á eina fjórtán slíka og hefur úrvalið aldrei verið meira. Mitsubishi frumsýndi þann nýjasta, sportjeppann Eclipse Cross, sem er frábær viðbót við Pajero, ASX, L200 og sölusmellinn Outlander. Í Audi salnum átti Q-línan sviðið með Q2, Q5 og Q7 og fremstir í fararbroddi í Skoda salnum voru Kodiaq og litli bróðir hans Karoq sem var frumsýndur nýverið. Það vantaði ekki breiddina hjá Volkswagen sem bauð upp á Amarok, Tiguan, Tiguan Allspace og töffarann T-Roc sem var frumsýndur fyrir skemmstu.

Í tilefni sýningarinnar voru ýmis tilboð og má þar nefna aukahlutapakka að andvirði 200.000 kr. með hverjum keyptum Volkswagen T-Roc, Skoda Karoq, Skoda Kodiaq og Mitsubishi Pajero. Mitsubishi Outlander PHEV fylgir enn fremur þjónustuskoðun í tvö ár og Audi Q5 fæst á einstöku tilboðsverði. Allir nýir fólksbílar frá Heklu koma að auki með fimm ára ábyrgð.

„Það var mikið líf í sölunum okkar á laugardaginn. Salirnir okkar voru skreyttir ýmiss konar útivistarbúnaði í stíl við tilefnið og við buðum upp á fjölda tilboða. Sýningin lukkaðist svo vel að við höfum ákveðið að halda tilboðunum út mánuðinn,“ segir Haraldur Ársælsson vörustjóri Heklu.

 Myndir

Mitsubishi Eclipse Cross frumsýndur á stórsýningu HEKLU!

HEKLA hefur aldrei boðið upp á jafn margar gerðir jeppa og jepplinga og sýnir á laugardaginn fimmtán slíka þegar blásið verður til stórsýningar milli klukkan 12 og 16. Fjölbreytnin í þessum eftirsóttu farkostum hefur aldrei verið meiri og HEKLA teflir fram úrvali fjórhjóla- og framhjóladrifinna jeppa í öllum stærðum, gerðum og litum ...

HEKLA hefur aldrei boðið upp á jafn margar gerðir jeppa og jepplinga og sýnir á laugardaginn fimmtán slíka þegar blásið verður til stórsýningar milli klukkan 12 og 16.

Fjölbreytnin í þessum eftirsóttu farkostum hefur aldrei verið meiri og HEKLA teflir fram úrvali fjórhjóla- og framhjóladrifinna jeppa í öllum stærðum, gerðum og litum.

Mitsubishi sýnir í fyrsta sinn á Íslandi hinn brakandi nýja Mitsubishi Eclipse Cross; rennilega og meitlaða sportjeppann sem þorir að skera sig úr fjöldanum. Hittarinn Outlander PHEV sem hefur selst í bílförmum verður að sjálfsögðu á staðnum ásamt ASX, Pajero og L200. Volkswagen sýnir Tiguan, T-Roc, Amarok og Tiguan Allspace og hjá Skoda leika Kodiaq og Karoq á als oddi. Í Audi salnum á Q-línan sviðið með þeim Q2, Q3, Q5 og Q7!

Fjöldinn allur af tilboðum verða í gangi á sýningunni og má þar nefna að aukahlutapakkar að andvirði 200.000 kr. fylgja með Volkswagen T-Roc, Skoda Karoq, Skoda Kodiaq og Mitsubishi Pajero. Mitsubishi Outlander PHEV fylgir þjónustuskoðun í tvö ár og Audi Q5 fæst á einstöku tilboðsverði.

Hjá Mitsubishi verða á staðnum 35“ breyttur Pajero og 33“ breyttur L200. Veltibíllinn tekur gesti og gangandi í snúning, nýbakaðar kleinur verða í boði ásamt kakó og kaffi frá Kaffitár.

Af þessum fimmtán fararskjótum má finna allt sem  hugurinn girnist: pallbíla, smájeppa, sportjeppa, athafnajeppa, venjulega jeppa, og allt hitt. Sjálfskiptir eða beinskiptir, bensín, dísil, tengiltvinnbílar, drif á öllum eða framhjóladrif.

Á Laugaveginum verður laufléttur lukkuleikur þar sem gestir geta unnið stórglæsileg verðlaun.

Í fyrstu verðlaun er vígalegt götuhjól frá Skoda að verðmæti 139.000 kr. Í önnur verðlaun er 60.000 kr. gjafakort hjá 66°Norður. Í þriðju verðlaun er 50.000 króna gjafabréf hjá Everest og í fjórðu verðlaun er 45.000 króna gjafabréf hjá Icelandair. Dregið verður út föstudaginn 9. mars.

Stórsýning HEKLU verður á sama tíma hjá:

  • Bílasölu Selfoss
  • Bílasölu Austurlands á Egilsstöðum
  • Höldi á Akureyri.
    • Hjá Höldi verður einnig kynning á vinsælasta bíl í flokki jeppa og jepplinga 2017, Mitsubishi Outlander PHEV klukkan 13 og 15.

Þú finnur alla flóruna hjá okkur!

Smelltu hér til að skoða viðburð á Facebook. 

Frumsýning á Skoda Karoq!

Laugardaginn 24. febrúar frumsýnir HEKLA glænýja jepplinginn Skoda Karoq í sýningarsal Skoda að Laugavegi 170 – 174. Sýningin stendur frá 12 til 16 og boðið verður upp á Krispy Kreme, rjúkandi heitt kaffi frá Kaffitár og andlitsmálningu fyrir börnin. Karoq er einstaklega rúmgóður, glæsilega útbúinn með allt að 1.630 lítra farangursrými, LED framljós og er ...

Laugardaginn 24. febrúar frumsýnir HEKLA glænýja jepplinginn Skoda Karoq í sýningarsal Skoda að Laugavegi 170 – 174. Sýningin stendur frá 12 til 16 og boðið verður upp á Krispy Kreme, rjúkandi heitt kaffi frá Kaffitár og andlitsmálningu fyrir börnin.

Karoq er einstaklega rúmgóður, glæsilega útbúinn með allt að 1.630 lítra farangursrými, LED framljós og er fyrsti bíllinn frá Skoda sem fæst með stafrænu mælaborði. Hann er með ríkulegan staðalbúnað og býður upp á lausnir og tækninýjungar sem gera aksturinn öruggari og skemmtilegri.

„Nýi sportjeppinn Skoda Karoq kemur sterkur í kjölfar Kodiaq sem kom á markað í fyrra og hefur heldur betur slegið í gegn. Hann kemur í mörgum útfærslum og hægt er að velja um fjórhjóla- eða framhjóladrif, beinskiptan eða sjálfskiptan. Það er gaman að geta bætt í framboðið af fjórhjóladrifnum kostum og þá sérstaklega með margverðlaunuðum bíl á borð við Karoq,“ segir Gestur Benediktsson sölustjóri Skoda.

Líkt og stóri bróðir Kodiaq hefur Karoq vakið mikla lukku og hlotið ýmsar viðurkenningar. Hann kom sá og sigraði í flokki jepplinga í ‘Best Car?,’ hlaut hin eftirsóttu Autonis hönnunarverðlaun fyrir bestu nýju hönnunina í flokki sportjeppa, nældi sér í hið eftirsótta Gullstýri, eða Golden Steering Wheel, og skartar fimm stjörnum í árekstrar- og öryggisprófunum hjá Euro NCAP.

Skoda Karoq fæst í bæði Ambition og Style útfærslum og kostar frá 3.890.000 kr.

Nánari upplýsingar

HEKLA afhendir ÍR vistvæna þjónustubifreið

Bílaumboðið Hekla og Íþróttafélag Reykjavíkur gerðu með sér samstarfssamning síðasta haust. Í tilefni þess ákvað Hekla að leggja félaginu bifreið til afnota sem mun auðvelda mjög ...

Bílaumboðið Hekla og Íþróttafélag Reykjavíkur gerðu með sér samstarfssamning síðasta haust. Í tilefni þess ákvað Hekla að leggja félaginu bifreið til afnota sem mun auðvelda mjög alla þjónustu við fjögur íþróttahús og velli sem ÍR rekur víðsvegar um Breiðholtið. Um er að ræða Volkswagen Caddy sem er einn mest seldi atvinnubíllinn á Íslandi undanfarin ár og er af vistvænni gerðinni en hann gengur fyrir íslensku metani. Friðbert Friðbertsson forstjóri Heklu afhenti Ingigerði Guðmundsdóttur formanni ÍR bílinn sem er merktur ÍR og Heklu.  „Það er ánægjulegt að taka þátt í gróskumiklu íþróttastarfi hverfisins og við vonum að bíllinn komi að góðum notum,“ sagði Friðbert við tilefnið.

Hekla langvinsælasta bílaumboðið í janúar

Ekkert bílaumboð á Íslandi seldi fleiri bíla til einstaklinga í janúar 2018 en Hekla sem trónir nú á toppnum með 239 bíla selda á þessum tíma. Þannig er ríflega fjórðungur allra seldra bíla á þessum markaði frá Heklu

MITSUBISHI OUTLANDER PHEV SÖLUHÆSTUR Á ÍSLANDI – SÖLUMET Í EVRÓPU MEÐ YFIR 100.000 EINTÖKUM

Ekkert bílaumboð á Íslandi seldi fleiri bíla til einstaklinga í janúar 2018 en Hekla sem trónir nú á toppnum með 239 bíla selda á þessum tíma. Þannig er ríflega fjórðungur allra seldra bíla á þessum markaði frá Heklu.

Ein af ástæðunum fyrir þessum frábæra árangri eru gríðarlegar vinsældir tengiltvinnbílsins Mitsubishi Outlander PHEV og seldust 118 eintök af bílnum til einstaklinga og fyrirtækja í fyrsta mánuði ársins og var markaðshlutdeild hans um 10% á þessum tíma. Ekkert lát er á vinsældum þessa afbragðsgóða bíl sem sló öll met á síðasta ári og byrjar nýtt ár með látum og er vinsælasti og mest seldi bíllinn á Íslandi þessa mánuðina. Markaðshlutdeild Outlander PHEV í flokki tengiltvinnbíla er 48% og er leitun að öðrum eins yfirburðum í einum flokki.

Vinsældirnar eru hins vegar ekki bundnar við Ísland, því Mitsubishi Outlander PHEV hefur nú selst í yfir 100.000 eintökum í Evrópu frá því að hann var kynntur til leiks árið 2013. Bíllinn hefur verið á toppnum í sínum flokki í Evrópu síðustu þrjú ár, þrátt fyrir síaukna sókn annarra tegunda inn á sama markað. Skoðaðu Outlander PHEV hér!

Þá hafa vistvænir bílar frá Volkswagen einnig slegið í gegn en í janúarmánuði jókst salan um 24% á milli ára. 70% nýskráðra Volkswagen bíla voru vistvænir og trónir e-Golf á toppnum. Golf og Passat eru jafnframt mest seldu bílarnir á Íslandi í sínum stærðarflokkum.

HEKLA styrkir enn stöðu sína í byrjun árs sem það bílaumboð sem hefur mest úrval, flestar tegundir og selur flesta vistvænu bílana. Í janúar var Hekla með 69,12% markaðshlutdeild á vistvæna markaðnum á Íslandi, sem er 7 prósentustiga aukning frá síðasta ári en það bílaumboð sem næst kemur hefur 14% hlutdeild. 5 af 6 vinsælustu raf- og tengiltvinnbílunum koma frá Heklu, en það eru Mitsubishi Outlander PHEV, Volkswagen e-Golf, Audi A3 e-tron, Volkswagen Passat GTE og Audi Q7 e-tron.

Framúrskarandi fyrirtæki

HEKLA hf. hlaut viðurkenningu frá Creditinfo fyrir að vera í hópi framúrskarandi fyrirtækja. Creditinfo hefur unnið ítarlega greiningu sem sýnir rekstur hvaða íslensku fyrirtækja telst til fyrirmyndar. Að þessu sinni komust 2,2% fyrirtækja á listann af þeim rúmlega 38.500 sem skráð eru í hlutafélagaskrá. Friðbert Friðbertsson forstjóri HEKLU ásamt Sigurði Erlingssyni fjármálastjóra HEKLA hf. sjást hér kampakátir með viðurkenningarskjalið enda tilefnið virkilega ánægjulegt.

HEKLA hf. hlaut viðurkenningu frá Creditinfo fyrir að vera í hópi framúrskarandi fyrirtækja. Creditinfo hefur unnið ítarlega greiningu sem sýnir rekstur hvaða íslensku fyrirtækja telst til fyrirmyndar. Að þessu sinni komust 2,2% fyrirtækja á listann af þeim rúmlega 38.500 sem skráð eru í hlutafélagaskrá. Friðbert Friðbertsson forstjóri HEKLU ásamt Sigurði Erlingssyni fjármálastjóra HEKLA hf. sjást hér kampakátir með viðurkenningarskjalið enda tilefnið virkilega ánægjulegt.

Bílasýning í HEKLU 2018

Það verður allsherjar bílaveisla laugardaginn 6. janúar, milli klukkan 12 og 16, þegar Hekla heldur sína árlegu bílasýningu í glæsilegum salarkynnum við Laugaveg 170 – 174. Til sýnis verður allt það nýjasta og ferskasta frá Audi, Mitsubishi, Skoda og Volkswagen en aðalnúmer dagsins eru Skoda Karoq, Volkswagen T-Roc ...
Það verður allsherjar bílaveisla laugardaginn 6. janúar, milli klukkan 12 og 16, þegar Hekla heldur sína árlegu bílasýningu í glæsilegum salarkynnum við Laugaveg 170 – 174.
 
Til sýnis verður allt það nýjasta og ferskasta frá Audi, Mitsubishi, Skoda og Volkswagen en aðalnúmer dagsins eru Skoda Karoq, Volkswagen T-Roc, Polo, Skoda Octavia RS245 og Octavia Scout.

Beðið hefur verið eftir Skoda Karoq með ofvæni. Hann er einstaklega rúmgóður, glæsilega útbúinn með allt að 1,630 lítra farangursrými, LED framljós og er fyrsti bíllinn frá Skoda sem hægt er að fá með stafrænu mælaborði. Karoq státar af einum virtustu bílaverðlaunum Evrópu, Golden Steering Wheel, og er með fimm stjörnur í árekstrar- og öryggisprófunum hjá Euro NCAP.
 
Volkswagen T-Roc er spánýr sportjeppi sem skartar hönnun sem vekur eftirtekt. Hann fæst bæði fjór­hjóla- og fram­hjóla­drif­inn, bein­skipt­ur og sjálf­skipt­ur. Véla­úr­valið spann­ar allt frá 115 hestafla þriggja strokka vél upp í 190 hestafla bens­ín­vél. Hann er bú­inn nýjustu tækni og búnaði og er fá­an­leg­ur í sautján lit­um, með hvítu eða svörtu þaki.
 
Sjöttu kynslóðar Volkswagen Polo hefur verið beðið eftir í nokkurn tíma og þykir hún hafa heppnast einkar vel en Polo fagnar 42 ára afmæli sínu um þessar mundir. Polo hefur stækkað töluvert, er sportlegur og ljómar af sjálfsöryggi.
 
245 hestafla töffarinn Skoda Octavia RS245 er kraftmesta Octavian sem framleidd hefur verið. Fjölskyldubíllinn Skoda Octavia Scout hefur fengið andlitslyftingu, er með aukna veg hæð og er stútfullur af tæknilausnum.
 
Volkswagen leggur sitt lóð á vogarskálarnar í umhverfismálum og hefur nýtt ár með verðlækkun á vistvænum bílum. Afslátturinn er misjafn eftir tegundum en er allt að 15%. Úr nógu er að velja því Volkswagen býður átta bíla sem ganga fyrir rafmagni og metan. Að auki teflir Volkswagen fram miklu úrvali af glænýjum gerðum á borð við sjö sæta Tiguan Allspace og Volkswagen Arteon.
 
Audi er einnig í vistvænu stuði og býður einstaklega vel útbúinn Audi Q7 e-tron með 700.000 kr. afslætti. Q7 e-tron gengur fyrir rafmagni og dísil og er gríðarlega vinsæll og vistvænn kostur fyrir þá sem er umhugað um sitt ytra og innra umhverfi.
 
Þjónustan er í fyrirrúmi hjá Mitsubishi sem kynnir tilboð á vinsælasta jepplingi Íslands árið 2017, Mitsubishi Outlander PHEV. Öllum seldum Outlander PHEV fylgir nú frí þjónustuskoðun í tvö ár en hann kemur einnig með fimm ára ábyrgð eins og aðrir fólksbílar Heklu.
 
Auk úrvals bíla verður margt um að vera í öllum sýningarsölum. CrossFit kempan Annie Mist Þórisdóttir skorar á gesti í skemmtilegum þrautum. Í boði verður ljúfmeti frá Dunkin Donuts og rjúkandi kaffi frá Kaffitár auk þess sem veltibíllinn vinsæli og eitursnjallt blöðrulistafólk verður á staðnum.
 

„Það er orðin hefð fyrir því hjá Heklu að fagna nýju ári með bílasýningu og árið í ár er engin undantekning.“ Segir Friðbert Friðbertsson forstjóri Heklu. Hann segir síðasta ár hafa verið gott og að 2018 leggist vel í hann. „Hekla hélt leiðandi stöðu í sölu á vistvænum bílum og er með 60% markaðshlutdeild í þeim flokki. Við slógum í gegn með Mitsubishi Outlander PHEV sem var vinsælasti jepplingur ársins og næst söluhæsti bíll landsins. Við sláum hvergi af á þessu ári og höldum áfram að bjóða úrval fjölbreyttra farkosta. Á bílasýningunni forsýnum Skoda Karoq, frumsýnum VW T-Roc, og bæði Skoda Octavia RS245 og Octavia Scout. Að auki verðum við með úrval tilboða og alls kyns skemmtilegheit,“ segir Friðbert sem býst við lífi og fjöri í hverjum sal.

 

 

 

 

Íslendingar hugsa grænt og fá frábært verð

Hekla hefur fundið fyrir miklum áhuga neytenda á umhverfisvænum bílum og býður nú vistvæna Volkswagen bíla á hagstæðara verði en nokkru sinni fyrr. Mikil vakning er á umhverfisvænum samgöngum á Íslandi og Volkswagen leggur sitt af mörkum. Með stuðningi Volkswagen getur Hekla nú boðið frábær kjör á vistvænum bílum til viðskiptavina sinna.

VISTVÆNIR VOLKSWAGEN VINSÆLLI OG Á AFAR GÓÐU VERÐI

Hekla hefur fundið fyrir miklum áhuga neytenda á umhverfisvænum bílum og býður nú vistvæna Volkswagen bíla á hagstæðara verði en nokkru sinni fyrr. Mikil vakning er á umhverfisvænum samgöngum á Íslandi og Volkswagen leggur sitt af mörkum. Með stuðningi Volkswagen getur Hekla nú boðið frábær kjör á vistvænum bílum til viðskiptavina sinna.

Volkswagen býður þrjár tegundir vistvænna bíla

  • Í fyrsta lagi tengiltvinnbíla sem keyra eingöngu á rafmagni áður en bensínmótor tekur við. Í þeim flokki býður Volkswagen upp á Golf GTE, Passat GTE og Passant Variant GTE.
  • Í öðru lagi metanbíla en þar má finna EcoUp, Polo TGI og Golf TGI.
  • Í þriðja lagi rafmagnsbíla, en þar býður Volkswagen upp á e-Up og e-Golf.

Stjórnvöld hafa ákveðið að halda áfram ívilnun til að stuðla að sölu á vistvænum bílum næstu þrjú árin og vistvænir Volkswagen bílar sem ganga fyrir endurnýtanlegri íslenskri orku (metan og rafmagn) falla svo sannarlega í þann flokk.

Afsláttur Volkswagen og Heklu er misjafn eftir tegundum en er umtalsverður, t.d. 15% á Passat GTE. Allar nánari upplýsingar fást hjá Heklu, sölumönnum Heklu, heimasíðu Heklu (www.volkswagen.is og www.hekla.is) og síðast en ekki síst er hægt að kynna sér tilboðsverðin milliliðalaust og í eigin persónu á bílasýningunni í Heklu á laugardaginn. Þar verður meðal annars úrval vistvænna Volkswagen bíla sýndir í Volkswagen salnum.

Núna er tíminn til að spá í vinsælan vistænan Volkswagen á viðráðanlegu verði!

Hekla gefur Audi TT í jólagjöf!

Það var líf og fjör í sýningarsal Audi síðastliðinn föstudag þegar Hekla gaf Borgarholtsskóla nýja kennslubifreið fyrir nema á bíltæknibraut. Bíllinn er af gerðinni Audi TT og er glæsilegur tveggja dyra sportbíll ...

Það var líf og fjör í sýningarsal Audi síðastliðinn föstudag  þegar Hekla gaf Borgarholtsskóla nýja kennslubifreið fyrir nema á bíltæknibraut. Bíllinn er af gerðinni Audi TT og er glæsilegur tveggja dyra sportbíll. Óhætt er að fullyrða að fáir nemendur fái að leika sér með jafn skemmtilegt tryllitæki.

Friðbert Friðbertsson forstjóri Heklu afhenti Ársæli Guðmundssyni skólameistara og Marín Björk Jónasdóttur sviðsstjóra bifreiðina við skemmtilega viðhöfn en það voru nemendur skólans og starfsfólk Heklu sem opnuðu gjöfina saman.

„Það er okkur sönn ánægja að afhenda Borgarholtsskóla þennan glæsilega Audi TT sem hreyfir við öllum sem áhuga hafa á bílum. Okkur í Heklu er bæði ljúft og skylt að styðja við bakið á nemendum í bíltæknigreinum. Það er mikilvægt að tryggja þeim aðgengi að sem bestu tækjum og búnaði til að nemendur komist í snertingu við nýjustu tækni á tímum örra breytinga,“ segir Friðbert Friðbertsson, forstjóri Heklu.

„Borgarholtsskóli hefur alla tíð notið velvildar og skilnings hjá Heklu sem kom svo glöggt fram við afhendingu þessarar höfðinglegu gjafar. Bíllinn mun koma sér afar vel við kennslu í bíliðngreinum og svo hefur hann auðvitað gildi sem vitni um nýjustu tækni á þessu sviði. Því er ekki að leyna að kennslutækið Audi TT kemur ekki einungis til með að gagnast í kennslunni heldur hefur einnig aðdráttarafl vegna útlits og hönnunar. Samstarf skólans við atvinnulífið og bílgreinina á Íslandi er afar mikilvægt fyrir námið og endurnýjun mannafla í iðngreininni.” segir Ársæll.

Umræddur Audi TT er með 230 hestafla tveggja lítra TFSI vél með tvískiptu innspýtingarkerfi, 6 gíra sjálfskiptingu með fjórhjóladrifi og er ríkulega búinn aukabúnaði. Hann er með stafrænu mælaborði, S-line útlitspakka að utan og innan og stútfullur af aðstoðarkerfum á borð við akreinavara og fjarlægðaskynjara. Hér er því sannkallaður 230 hestafla villihestur á ferðinni sem á án efa eftir að vekja enn meiri áhuga á bíltækni en áður. Þessi glæsilega Audi bifreið mun nýtast nemendum Borgarholtsskóla vel næstu árin sem kennslutæki á bíltæknibraut.

Smelltu hér til að skoða myndband.

Smelltu hér til að skoða fleiri myndir.

Mitsubishi stærsta vörumerkið í nóvember!

Mitsubishi er stærsta vörumerkið í bílasölu til einstaklinga í nýliðnum nóvembermánuði og skýtur öllum öðrum bílategundum aftur fyrir sig. 125 eintök af Mitsubishi bílum seldust hjá Heklu í nóvembermánuði og það gerir ríflega 17% ...

Mitsubishi er stærsta vörumerkið í bílasölu til einstaklinga í nýliðnum nóvembermánuði og skýtur öllum öðrum bílategundum aftur fyrir sig. 125 eintök af Mitsubishi bílum seldust hjá Heklu í nóvembermánuði og það gerir ríflega 17% markaðshlutdeild. Að auki er Mitsubishi Outlander mest seldi jepplingur landsins en um mánaðarmót höfðu 663 bílar af þeirri tegund verið nýskráðir það sem af er ári. Af þeim er 551 af tegundinni Mitsubishi Outlander PHEV sem fangað hefur hugi og hjörtu íslenskra neytenda með miklum gæðum og afar hagstæðu 100 ára afmælisverði.

Mitsubishi er ekki aðeins stærstur á einkabílamarkaði heldur tryggir sér annað sætið á fólks- og sendibílamarkaði með 142 bíla selda. Ekkert vörumerki í bílasölu á Íslandi hefur vaxið hraðar frá sama tíma í fyrra en vöxturinn er um 144%, eða úr 342 bílum fyrstu 11 mánuði ársins 2016 í 842 í ár.

Hekla heldur jafnframt sterkri stöðu sinni í sölu á vistvænum bílum  og eru þeir orðnir 1.251 á árinu og hlutdeild Heklu á þeim markaði hér á landi er yfir 60%. Þá er hlutdeild Heklu í tengiltvinnbílum enn sterkari, eða 64% og lætur því nærri að þrír af hverjum fimm tengiltvinnbílum á Íslandi séu frá Heklu.

„Íslendingar hafa tekið Mitsubishi opnum örmum á árinu og þessi góða sala er staðfesting á því að fyrirtækið hefur náð að framleiða bíl sem smellpassar við íslenskar aðstæður á verði sem slær í gegn. Sú staðreynd að Mitsubishi er söluhæsta bílamerki landsins rímar vel við þá upplifun eigenda Mitsubishi að þarna er kominn bíll sem hittir í mark,“ segir Friðbert Friðbertsson, forstjóri Heklu.