Fara í efni
  • Bifreiðaverkstæði

    Við hjá HEKLU erum stolt af bifreiðaverkstæðinu okkar. Bifreiðaverkstæði HEKLU hefur áralanga reynslu í að annast viðgerðir og þjónustuskoðanir fyrir Audi, Volkswagen, Skoda og Mitsubishi. Við erum ávallt að bæta þekkingu fagmanna okkar ásamt því að við tileinkum okkur nýjustu tækni fyrir bifreiðina þína hverju sinni. Með öðrum orðum - við gjörþekkjum bílinn þinn.

    Úrvalsliðið

    Fagmenn okkar eru sérhæfðir í hverri bíltegund fyrir sig. Þeir mynda teymi sem sérhæfa sig í þeim bifreiðum sem þeirra teymi annast. Stanslaus miðlun þekkingar frá framleiðendum ásamt virku námskeiðshaldi allan ársins hring gerir fagmanneskjuna sem annast þína bifreið eins vel í stakk búna og möguleiki er á. Aukin þekking fagfólks styttir tíma og eykur öryggi í bilanagreiningu sem leiðir til mun bættrar þjónustu við þig.

    Aukið verðgildi og ábyrgð

    Bílar geta verið með stærri fjárfestingum sem lagst er í og því mikilvægt að viðhalda verðgildi bílsins. Við hjá HEKLU veitum 2ja ára ábyrgð á öllum varahlutum og þeirri vinnu sem framkvæmd er á verkstæði okkar. Það er mikilvægt fyrir líftíma, endingu og öryggi bílsins að láta framkvæma reglulegar þjónustuskoðanir. Það tryggir einnig hámarksverð í endursölu og gerir bílinn þinn mun vænlegri söluvöru. Einstök gæði uppruna varahluta og hátt tæknistig stuðla að því að þú haldir verðgildi bílsins eins og kostur er á. Það er okkar metnaður að þú verndir fjárfestingu þína eins vel og mögulegt er.

    Strangt eftirlit

    Hjá HEKLU er starfað út frá ströngum reglum og virku þjónustueftirliti frá framleiðendum okkar og gerum við verðtilboð út frá því. Skriflegur samningur er gerður við þig um verð og umfang viðgerðarinnar og því veistu alltaf að hverju þú gengur. Við leitum ávallt hagkvæmustu leiða í viðgerðum og reynum þannig að koma til móts við þig á sem hagkvæmastan hátt. Aukin gæði þjónustu og traustari viðskipti til þinna hagsbóta.

    Háþróaður tæknibúnaður

    Við bjóðum upp á bestu mögulegu aðstöðu á bifreiðaverkstæði okkar. Við erum með sérútbúinn forgreiningarbúnað sem tekur nákvæma stöðu á dempurum, framkvæmir bremsumælingu og sér hvort hjólastilling sé innan marka og eins skoðum við stöðu á öðrum slithlutum bílsins þíns. Þegar þú kemur í ástandsskoðun til okkar þá færðu greinargóða skýrslu um bílinn. Við erum með sérhæfð verkfæri og tölvubúnað til að sjá um bilanagreiningu og viðgerðir á bílnum þínum. Verkstæðið uppfærir búnað og sérverkfæri samkvæmt kröfum framleiðanda til að þjónusta þá bíla sem eru á markaði.

    Heklurútan

    Við hjá HEKLU bjóðum upp á einfalda og þægilega lausn sem þjónustu við þig. Heklurútan keyrir þig heim eða til vinnu og þegar bíllinn er tilbúinn sækjum við þig þér að kostnaðarlausu. Þín ánægja er okkar hagur.