Fara í efni
  • Keramikhúðun


    Afhverju ætti ég að láta keramikhúða bílinn minn?
    Keramikvarinn bíll lítur glæsilega út en þetta snýst þó ekki allt um útlitið. Gyeon Quartz keramikvörnin gefur lakkinu á bílnum aukna dýpt og gljáa. Mesta muninn finnur þú þó dagsdaglega. Bíllinn verður síður skítugur, viðhaldsþrif verða miklu auðveldari og þurfa að gerast sjaldnar. Yfirborð bílsins hrindir frá sér ryki og óhreinindum. Lakkið tærist ekki og það verður auðveldara að þrífa bremsuryk af lakki og felgum en áður. Gljái og litur helst mun betur en væri það óvarið. Ekki þarf að bóna bílinn á ábyrgðartíma keramikvarnarinnar.

    Hvers vegna að keramikhúða bílinn með GYEON QUARTZ?
    HEKLA er í samstarfi við ÓK Bón sem sér um keramikhúðun hjá HEKLU. Fyrirtækið er með áralanga reynslu í ásetningu keramikhúðar og er umboðsaðili Gyeon Quartz á Íslandi. Gyeon Quartz er í allra fremstu röð þegar kemur að framleiðslu keramikvarna og þrifaefna. Viðskiptavinir fá ábyrgð beint frá framleiðanda í gegnum ÓK Bón þar sem verkstæðið er vottað og teymið hefur farið á tilskilin námskeið til að veita faglegustu og endingarbestu vörnina. Lágmarksálagning er á efni og því hægt að bjóða keramikmeðferðir og aðra þjónustu á góðu verði. Ábyrgð á keramikvörnum er eitthvað sem viðskiptavinir ættu að hugsa um og að bera ekki saman aðila sem veita keramikvörn með tveggja til þriggja ára ábyrgð saman við ÓK Bón sem býður í minnsta lagi fimm ára ábyrgð á meðferðum (sjá ábyrgðarskilmála). Fyrirtækið er með teymi fagmanna sem hefur fengið viðurkennda þjálfun frá Gyeon Quartz og biðtími eftir þjónustu er í lágmarki.

    Hvað er keramikvörn/Ceramic coat?
    Það er sterk, gegnsæ vörn með sleipt yfirborð. Vörnin býr yfir gríðarlegum sjálfhreinsieiginleikum þegar hún hefur harðnað og kristallast á bílnum. Hægt er að bera vörnina á hvaða yfirborð bílsins sem er til þess að verja fyrir alvöru íslenskri veðráttu.

    Hvernig virkar ábyrgðin á Gyeon Quartz?
    Kosturinn við að velja keramikvörn frá Gyeon Quartz er að viðskiptavinurinn getur valið hvernig ábyrgðinni skuli háttað. Það eru tveir kostir í boði. Þú getur valið um að sjá um viðhald á keramikhúðinni eftir að bíllinn er keramikvarinn og fengið fimm ára ábyrgð. Hinn möguleikinn er að fá lengri ábyrgð eða svokallaða „infinite“ ábyrgð (sjá ábyrgðarskilmála) gegn því að koma í viðhaldsheimsókn á 24 mánaða fresti.

    Viðhald er lykilatriði – Bíllinn þinn er ekki skotheldur
    Allt yfirborð sem hefur verið keramikvarið með Q2 línunni frá Gyeon Quartz er með rispuvörn þar sem yfirborðið er töluvert sleipara og sterkara en óvarið yfirborð. Hins vegar er bíllinn ekki skotheldur og því er viðhald á vörninni lykilatriði. Ekkert mál er að halda bílnum glæsilegum á ábyrgðartíma varnarinnar en fylgja þarf leiðbeiningum í ábyrgðarskilmálum. Þvottaburstar á bílaþvottastöðvum, rangar þrifaaðferðir o.fl. getur rispað lakkið þrátt fyrir að keramikvörn sé á bílnum. Með réttu viðhaldi helst bíllinn glæsilegur og vörnin helst lengur.

    Haldast eiginleikar keramikhúðarinnar óbreyttir?
    Með keramikvörn hrindir bíllinn mjög vel frá sér vatni og óhreinindum og með réttu viðhaldi með réttum sápum, viðhaldsefnum frá Gyeon Quartz Q2M þrifalínunni o.fl. (sjá ábyrgðarskilmála) er hægt að viðhalda þeim eiginleikum. Ef viðhaldi er ekki gætt munu þessir eiginleikar þó fara dvínandi.

    Eru Gyeon Quartz keramikvarnirnar með 9H styrkleika?
    Já, líkt og flest önnur hágæðamerki sem eru í boði. En 9H styrkleikinn er þó ekki aðalatriðið. Mikilvægustu eiginleikar keramikvarnarinnar eru frábær vörn gegn útfjólublárri geislun, efnaþol, sterk efnafræðileg uppbygging og sleipt yfirborð. Þetta eru þeir eiginleikar sem stuðla að frábærri endingu gljáa og rispufríu yfirborði bílsins.

    Nánari upplýsingar varðandi Gyeon Quartz er að fá hjá ÓK Bón.

    Skoða verðlista