Volkswagen ID. Polo vinnur Gullna stýrið

Nýi rafbíllinn Volkswagen ID. Polo hlaut Gullna stýrið (Das Goldene Lenkrad) árið 2026 í flokknum besti bíllinn undir 25.000 evrum. Þýsku blöðin Auto Bild og Bild am Sonntag veita Gullna stýrið árlega. Skömmu áður hafði ID. Polo verið valinn German Car of the Year 2027 og unnið Autonis hönnunarverðlaunin í flokki smábíla.

Í liðinni viku sigraði ID. Polo í flokki bíla undir 25.000 evrum í vali German Car of the Year 2027. Að loknum tveimur prófunardögum bar hann sigur úr býtum gegn fjórum öðrum sterkum sigurvegurum flokkanna og hlaut titilinn German Car of the Year 2027. Óháð dómnefnd 47 þýskra og alþjóðlegra bílablaðamanna réð úrslitum.

Polo er einnig í hópi sjö bíla sem keppa til úrslita um European Car of the Year 2027. Í fyrsta sinn í sögu verðlaunanna eru eingöngu rafbílar í úrslitum. Eftir ítarlegan reynsluakstur og lokamat alþjóðlegrar dómnefndar verður sigurvegarinn kynntur 8. janúar 2027 á bílasýningunni í Brussel.

Volkswagen ID. Polo er ný klassík sem er strax í uppáhaldi hjá breiðum hópi kaupenda sem vilja fá sannan rafmagnaðan Volkswagen.