Skoda Epiq og Peaq hljóta Gullna stýrið

Rafbílarnir Škoda Epiq og Škoda Peaq hlutu í vikunni "Gullna stýrið (Das Goldene Lenkrad)". Verðlaunin eru ein þau eftirsóttustu í bílgreininni og voru nú veitt í fimmtugasta sinn. Škoda Epiq sigraði í flokki minni jepplinga og Škoda Peaq í flokki fjölskyldubíla.

Þetta eru önnur verðlaun Škoda Peaq á árinu, en hann bar einnig sigur úr býtum í sínum flokki í vali dómnefndar German Car of the Year.

Þýsku blöðin Auto Bild og Bild am Sonntag standa að verðlaununum. Lesendur þeirra velja fyrst þrjá bíla í hverjum flokki í úrslit úr öllum nýjum gerðum sem komu á þýskan markað á árinu. Úrslitabílarnir voru síðan metnir af dómnefnd á Lausitzring-brautinni, þar sem sátu meðal annarra Sébastien Ogier, margfaldur meistari í rallakstri, og tennisleikarinn Boris Becker. Dómnefndin lagði mat á meðal annars aksturseiginleika, gæði, útsýni úr bílnum, notagildi og verð.

Škoda Peaq undirgekkst auk þess sérstakt próf í flokki fjölskyldubíla. Fimm fjölskyldur með börn á ólíkum aldri, frá ungbörnum til unglinga, prófuðu bílinn utan brautarinnar. Þær mátu sveigjanleika sætaskipanar, farangursrými, öryggisbúnað, uppsetningu barnabílstóla og snjalllausnir í bílnum.

Verðlaunin voru afhent við hátíðlega athöfn í Berlín.

Sigurinn sýnir að Škoda Epiq og Škoda Peaq eru frábær viðbót við þegar öfluga vörulínu Škoda.