Vöruhús Heklu og Stillingar opnar í Þorraholti

Vöruhús Heklu og Stillingar hefur opnað í Þorraholti. Varahlutaafgreiðsla- og verslun Heklu að Kletthálsi og Tunguhálsi hafa þegar flutt starfsemi sína og er öll þjónusta komin yfir í Þorraholt.

Vöruhús Stillingar mun svo smám saman flytjast í Þorraholt á næstu vikum og verða viðskiptavinir Stillingar upplýstir um hvar vöruafhending fer fram. 

Hér að neðan má sjá leiðbeiningar fyrir aðkomu að Þorraholti. 

Hekla opnar nýja bílamiðstöð í Garðabæ í sumar. Flutningurinn í Þorraholt markar kaflaskil, en þar mun aðstaðan verða eins og
best verður á kosið fyrir viðskiptavini og starfsfólk.

Í nýju bílamiðstöðinni sameinast starfsemi Heklu undir einu þaki: bílaumboð Heklu, Hekla notaðir bílar, Stilling vara- og aukahlutaverslun og Carglass framrúðuverkstæði.

Við hlökkum til að taka á móti ykkur síðar í sumar í nýrri bílamiðstöð Heklu.