Fara í efni

Fréttir

Lokað á laugardögum í sumar

Við verðum með lokað á laugardögum næstu vikur en ekki örvænta. Þar sem þú ert og þegar þér hentar geturðu kíkt í heimsókn í sýningarsalinn okkar á netinu. Þar getur þú tekið bíl frá eða pantað, skoðað úrvalið, keypt aukahluti og margt fleira.

Rafmögnuð sumarhátíð

Rafmögnuð sumarhátíð Heklu verður haldin laugardaginn 12. júní með pompi og prakt. Áhersla verður lögð á rafmagnsbíla en Hekla er í öðru sæti í sölu rafmagnsbíla á árinu. Á boðstólnum verður gómsætar pylsur frá Bæjarins bestu og rjúkandi kaffi frá Kaffitár. Veltibíllinn verður á staðnum og Blaðrarinn kíkir við.

Hekla fagnaði stórsigri á dögunum þegar Volkswagen ID.4 var valinn bíll ársins af íslenskum bílablaðamönnum. Hekla fór heim með fjögur verðlaun í farteskinu þegar íslenskir bílablaðamenn tilkynntu á val sitt á bíl ársins í tuttugasta sinn.

Í efstu þremur sætunum um titilinn í ár voru í fyrsta sæti er Volkswagen ID.4, í öðru er Skoda Enyaq og í því þriðja er Volkswagen ID.3. Þar að auki var Volkswagen ID.3 í efsta sæti í flokknum stærri fólksbílar og Volkswagen ID.4 í efsta sæti í flokknum smærri jeppar og jepplingar þar sem Skoda Enyaq var í öðru sæti.

„Það frábært að sjá hve vel hefur verið tekið í nýju rafbílalínur frá Volkswagen og Skoda sem sýnir að vörumerkin eru að gera þetta af heilum hug. Þessi glæsti árangur hefur náðst með því að hanna rafbíla frá grunni sem gerir þeim kleift að nýta plássið betur og tryggja enn betri akstursupplifun. Til að mynda að með nýrri tækni og breyttri þyngdardreifingu reynast afturhjóladrifnu bílarnir mjög vel. Um helgina verður fjórhjóladrifinn ID.4 GTX frumsýndur sem er þá orðinn enn betri fyrir íslenskar aðstæður. Á sama tíma hefjum við forsölu á fjórhjóladrifnum Skoda Enyaq svo það verður nóg um að vera. Okkur hlakkar mikið til að halda loksins veislu og hvetjum sem flesta til að líta við, nóg er plássið hjá okkur og við biðjum fólk að virða fjarlægðamörk,“ segir Jóhann Ingi Magnússon vörumerkjastjóri hjá Heklu.

Smelltu hér til að skoða viðburð

Einkar áhugavert er að í öllum tilvikum eru bílarnir sem komust í úrslit frá Heklu rafmagnsbílar með drægni yfir þrjú hundruð kílómetra skv. WLTP. Þetta sýnir hve vinsælir rafmagnsbílar eru og hve vel við Íslendingar erum opin fyrir vistvænum orkuskiptum.

Fjórhjóladrifinn Volkswagen ID.4 GTX verður frumsýndur við þetta skemmtilega tilefni en á sama tíma hefst forsala á fjórhjóladrifnum Skoda Enyaq.

Þegar horft er á skráningartölur nýrra bíla eftir fyrstu fimm mánuði ársins er Hekla með 21% af sölu vistvænna bíla á Íslandi. Þegar horft er á vörumerki Heklu er Volkswagen í öðru sæti í sölu rafmagnsbíla, Mitsubishi í efsta sæti í sölu tengiltvinnbíla og Skoda er að vinna sig hratt upp vistvænu listana eftir að Skoda Enyaq fór að berast til landsins. Audi bætir við sig í hlutdeild í sölu rafmagns- og tengiltvinnbíla.

Við þetta skemmtilega tilefni skelltu nokkrir starfsmenn Heklu sér í leikandi létta myndartöku þar sem þau fögnuðu góðu gengi.

Viltu spreyta þig? 

Við leitum að manneskju yfir tvítugt sem er sniðug í sósjal efnisgerð og hefur lausan tíma í næstu viku til að koma með okkur hringinn í kringum landið á fimm dögum ...
 
Mánudagur (7/6) til föstudags (11/6); fólk, bílar, akstur og umhverfi!
 
  • Þú græjar myndir og myndbönd fyrir samfélagsmiðla.
  • Við græjum bíl fyrir ferðina, gistingu, mat og að sjálfsögðu laun.
 
Veldu: Markaðsmál, Almenn fyrirspurn og segðu okkur frá þér í skilaboðunum.

Volkswagen ID.4 útnefndur Heimsbíll ársins 2021

  • Fyrsti sportjeppinn sem byggður er á MEB-rafdrifkerfinu fær flest atkvæði frá 93 alþjóðlegum dómurum.
  • 41 er sannfærandi með nýjungum sínum og engum beinum útblæstri
  • Volkswagen efstur á palli í verðlaununum Heimsbíllinn í fimmta skipti

Wolfsburg / New York - Heimsbíllinn 2021 er Volkswagen: Hinn fullrafdrifni ID.4 sigraðist á harðri samkeppni í hinum alþjóðlegu verðlaunum Heimsbíllinn. Fleiri en 90 alþjóðlegir bílablaðamenn frá 24 löndum kynna Heimsbílinn og greiða atkvæði um bestu nýjungarnar á heimsmarkaðnum.

„Það veitir okkur mikla ánægju að ID.4 sé valinn Heimsbíll ársins”, segir Ralf Brandstätter, framkvæmdastjóri Volkswagen farþegabíla. „Ekki aðeins vegna þess að þetta eru mikilvægustu bílaverðlaun í heiminum heldur af því dómnefndin heiðraði frábæra hugmynd og frábært teymi. Fyrsti ID. Tegund fyrir lykilmarkaði í Evrópu, Kína og Bandaríkjunum ber uppi stórsókn okkar í rafakstri um heiminn. Sannfærandi bíll, frábær hugmynd og verðlaunin Heimsbíll ársins! Það finnst okkur fara vel saman.“

Bílar sem eru gjaldgengir fyrir verðlaunin Heimsbíll ársins verða að vera framleiddir í a.m.k. 10.000 eintökum á ári og til sölu í minnst tveimur heimsálfum.

„Verðlaunin Heimsbíll ársins tákna frábæran árangur fyrir allt okkar ID. teymi,“ segir Thomas Ulbrich, stjórnarmaður í þróunardeild Volkswagen. „Okkur hefur tekist að hanna bíl sem byrjar kerfisbreytinguna yfir í rafakstur í mikilvægasta flokki sportjeppa og býður upp á frábæra notkunarmöguleika. ID.32 og komandi ID. gerðir gera rafakstur aðgengilegan fyrir alla.“

Dómnefndin lofaði þann eiginleika ID.4. að hann veldur engum beinum útblæstri. AR-skjár í höfuðhæð er valbúnaður. Hann getur varpað mikilvægum upplýsingum á framrúðuna, til dæmis beygjuörvum úr leiðsagnarkerfinu. Ökumaðurinn sér þessar upplýsingar í þrívíddarmynd í þriggja til tíu metra fjarlægð fyrir framan bílinn. Þetta þýðir að skjárinn er fullkomlega aðlagaður að umhverfinu fyrir utan bílinn. Þegar ACC-kerfi (hraðastillir) eða Akstursaðstoðin (valbúnaður) eru virk þá er bíllinn fyrir framan ID.4 upplýstur með ljósamerkingum í gegnum skjáinn í höfuðhæð frá tilteknum hraða til að viðhalda æskilegri fjarlægð.

ID.4 setur viðmiðin í stafrænni tækni. Bílinn er hægt að uppfæra reglulega og innleiða í hann nýja virkni. Volkswagen er fyrsti framleiðandinn til að að bjóða upp á þetta frá og með næsta sumri. Bíllinn er ávallt uppfærður. Þetta er afar mikilvægur eiginleiki til að greiða fyrir nýjum viðskiptum.

Þegar verðlaunin Heimsbíll ársins voru veitt í 17. skipti þá hélt ID.4 fram sigurgöngu Volkswagen í þessari keppni. Það eru ekki bara bílablöðin sem taka honum opnum örmum heldur líka bílakaupendur. Volkswagen stefnir að því að afhenda um 150.000 ID.4 bíla á heimsvísu á þessu ári. Stórsókn til rafaksturs er grunnþátturí stefnu Volkswagen. Fyrirtækið stefnir að því að koma með a.m.k. einn alrafdrifinn bíl á markaðinn á hverju ári.

Vegna heimsfaraldurs COVID-19 var afhending verðlauna fyrir Heimsbílinn rafræn þetta árið. Þú getur séð hana á YouTube.com/worldcartv

Allir handhafar frá Volkswagen að verðlaununum Heimsbíllinn:

  • 2009: Golf (Heimsbíll ársins)
  • 2010: Polo (Heimsbíll ársins)
  • 2011: up! (Heimsbíll ársins)
  • 2013: Golf (Heimsbíll ársins)
  • 2021: ID.4 (Heimsbíll ársins)

1) ID.4 – orkunotkun (NEDC) í kWst/100 km: Í blönduðum akstri 16,9-15,5; CO2 útblástur g/km: 0; skilvirknieinkunn: A+
2) ID.3 – orkunotkun (NEDC) í kWst/100 km: Í blönduðum akstri 15,4-13,1; CO2 útblástur g/km: 0; skilvirknieinkunn: A+

Farþegarbílar frá Volkswagen – The Volkswagen Passenger Cars – er vörumerki sem er til staðar á fleiri en 150 mörkuðum um heiminn og framleiðir bíla á fleiri en 30 stöðum í 13 löndum. Volkswagen afhenti um 5,3 milljónir bíla árið 2020. Meðal þeirra voru metsölubílar á borð við Golf, Tiguan, Jetta og Passat, sem og hinir fullrafdrifnu og velheppnuðu ID.3 og ID.4. Um 184.000 manns vinna nú hjá Volkswagen á heimsvísu. Þessu til viðbótar koma fleiri en 10.000 sölufyrirtæki og þjónustuaðilar með 86.000 starfsmenn. Með ACCELERATE stefnu sinni er Volkswagen sífellt að þróast yfir í hugbúnaðartengdan ökutækjaframleiðanda..

 

 

HEKLA á toppnum!

  • Hekla endaði árið á toppnum í fjölda seldra fólksbíla til einstaklinga og fyrirtækja með tæplega 20% markaðshlutdeild.
  • Þrátt fyrir samdrátt í heildarsölu bifreiða árið 2020 jókst sala á nýskráðum fólksbílum til einstaklinga um 10%. Í nýskráningum fólksbíla til bílaleiga dróst sala saman eða um 58%.
  • Rafbílar eru í fyrsta skipti vinsælasti orkugjafinn.
  • Ríflega 250% aukning er í skráningu hreinna rafbíla á milli ára.

Samtals seldi Hekla 26,4% allra vistvænna bifreiða ársins 2020 en til vistvænna bifreiða teljast hreinir rafmagnsbílar, tengiltvinnbílar og metanknúnir bílar. Samtals er Hekla með 19% allra seldra hreinna rafmagnsbíla ársins 2020 og 35% allra seldra tengiltvinnbíla ársins. Þá komu 90% af metanknúnu bílum ársins frá Heklu.

Hjá Heklu voru seldar 1963 bifreiðar á árinu. Tengiltvinnbíllinn Mitsubishi Outlander Phev var vinsælastur, rafmagnsbíllinn bíllinn Audi e-tron í öðru sæti og í því þriðja var Volkswagen Golf sem fæst í fjölmörgum aflgjöfum en vinsælastir eru þeir vistvænu. Hástökkvari ársins hjá Heklu er vafalaust rafmagnsbíllinn Volkswagen ID.3 sem var frumsýndur í september og náði fimmta sæti yfir flesta skráða Heklubíla ársins.

Rafmagnsbíllinn Audi e-tron sló heldur betur í gegn á árinu og sló met ársins á undan með 63% fleiri selda bíla á árinu 2020 en á árinu áður ásamt því að Audi tvöfaldaði markaðshlutdeild sína milli ára. 84% af nýskráðum Audi bílum hjá Heklu voru hreinir rafbílar. Mitsubishi seldi 18% fleiri bíla á nýliðnu ári en árið 2019 og er Mitsubishi Outlander Phev áfram vinsælasti tengiltvinnbíll ársins 2020 og hefur hann haldið því sæti allt frá árinu 2016. Alls voru 26,8% allra seldra tengiltvinnbíla á nýliðnu ári af þeirri gerð.

Hekla endaði árið sem næst stærsta bílaumboð landsins í fjölda nýskráningum eða með um 19% af öllum nýskráðum fólks- og sendibílum. Þá var desembermánuður einkar sterkur hjá umboðinu með 21% allra nýskráðra bifreiða skráða hjá Heklu og tæplega 25% allra nýskráðra fólksbíla til einstaklinga þann mánuðinn.

„Við hjá Heklu erum afar þakklát fyrir ánægjuleg samskipti á liðnu ári og það traust sem viðskiptavinir Heklu hafa sýnt okkur. Framundan er nýtt og spennandi ár fullt af áskorunum,“ segir Friðbert Friðbertsson forstjóri Heklu.

Ég er einkar stoltur af starfsfólki Heklu sem hefur staðið þetta fordæmalausa ár af sér með frábærum árangri á öllum sviðum. Árið hefur breytt starfsháttum til frambúðar og framundan er áframhaldandi vinna í að nálgast framtíðina enn frekar með nýjum og spennandi lausnum. Við eigum von á fjölmörgum nýjum og vistvænum bílum til landsins á árinu og mun meðal annars sala á rafbílunum Skoda Enyaq, Volkswagen ID.4 og Audi Q4 hefjast fljótlega. Síðasta haust voru tímamót í sögu Volkswagen samsteypunnar þegar fyrsti rafbíllinn hannaður frá grunni var afhentur hér á Laugaveginum nokkrum áratugum eftir Volkswagen Bjallan var afhent á sama stað og markaði svipuð tímamót.

Bílaumboðið heklaAudiLínuritMitsubishiNýskráningar fólks- og sendibílaNýskráningar fólks- og sendibíla

Fyrsti ID.3 leigubíllinn á Íslandi og líklega sá fyrsti í heimi!

Guðmundur Jóhann Gíslason leigubílstjóri hjá Hreyfli fékk afhendan nýjan og 100% rafmagnaðan Volkswagen ID.3 fyrir nokkrum vikum og varð þar með fyrsti leigubílstjórinn á Íslandi sem ekur um á þessari nýju tegund rafbíla. Ekki hafa borist sögur af ID.3 leigubílum út í heimi og því líklegt að hann hafi einnig verið sá fyrsti í heimi til að fá sinn afhendan.

Guðmundur hefur verið leigubílstjóri í 30 ár og ber Volkswagen vel söguna. „Þau hjá Heklu hafa aðstoðað mig með mikilli prýði í mörg ár en þetta er sjötti Heklubíllinn frá árinu 2011. Ég ákvað strax og sögur fóru að berast af ID.3 að ég myndi panta einn slíkan enda rafmagnsdrægnin orðin næg fyrir. Hingað til hefur nægt mér að hlaða bílinn bara heima hjá mér á nóttunni og hef ég í raun bara einu sinni verið að því kominn að klára rafmagnið en þá kom ég heim með um 20 kílómetra drægni eftir. Rekstrarkostnaðurinn á rafmagnsbílum er hverfandi og sparnaðurinn mikill en á venjulegum mánuði geri ég ráð fyrir að spara allt að 90.000 krónur í rekstrarkostnað. Svo er líka afar gott að þurfa ekki að hafa bílinn í lausagangi á meðan maður bíður á milli ferða. Umhverfið græðir“, segir Guðmundur og bætir við að plássið í bílnum komi viðskiptavinum einstaklega skemmtilega á óvart enda er hann mun plássmeiri að innan en ytra rýmið gefur til kynna.

Jóhann Ingi Magnússon vörumerkjastjóri Volkswagen á Íslandi segir nýjungarnar spennandi og gaman hafi verið hversu mikla athygli bíllinn hans Guðmundar vakti í höfuðstöðvum Volkswagen í Þýskalandi. „Þetta eru spennandi tímar og þróunin hröð. Í dag er rafdrifinn leigubíll orðinn raunhæfur kostur og gaman að sjá leigubílstjóra nýta sér vistvænar lausnir sem fer fjölgandi.“

Bílaleiga Akureyrar/Höldur fékk á dögunum 26 rafdrifna bílaleigubíla afhenta

Bílaleigan tekur með þessum kaupum vistvæn skref í átt að nýrri og umhverfisvænni framtíð í samstarfi við Heklu sem hefur undanfarin ár verið leiðandi í vistvænum bílum.

Um er að ræða tuttugu Volkswagen e-Golf bíla og sex rafdrifna Volkswagen ID.3 sem draga vel yfir 400 kílómetra. ID.3 hentar einkar vel í borgarsnattið sem og lengri ferðir nú þegar hleðslustöðvum á landsbyggðinni fjölgar. ID.3 er fyrsta kynslóð bíla frá Volkswagen sem byggðir eru á nýjum MEB grunni sem er framtíðargrunnur rafbíla. ID.3 hefur vakið eftirtekt hér á landi sem en hann þykir einkar skemmtilegur arftaki Volkswagen kyndilsins en fleiri bílar í Volkswagen ID. línunni verða kynntir fljótlega á Íslandi.

„Bílaleiga Akureyrar/Höldur er ein af elstu og stærstu bílaleigum landsins. Við höfum þjónustað Íslendinga í áraraðir og leggur metnað sinn í að vera í forystu hvað varðar umhverfissjónarmið og samfélagslega ábyrgð og kaup á þessum glæsilegu rafbílum er liður í því,“ segir Bergþór Karlsson hjá Bílaleigu Akureyrar/Höldi.

Mikla aukningu er að merkja í áhuga landsmanna á rafbílum og það er gaman að sjá bílaleigurnar taka þátt í orkuskiptunum. Framtíðin er rafmögnuð og við hjá Volkswagen stefnum að því að vera alrafmagnað bílaumboð innan nokkurra ára,“ segir Jóhann Ingi Magnússon hjá Volkswagen við þetta tækifæri.

Mynd: Margeir Kúld Eiríksson hjá Volkswagen og Bergþór Karlsson hjá Bílaleigu Akureyrar/Höldi við Volkswagen ID.3

Fullvaxinn 100% rafdrifinn fjölskyldubíll heimfrumsýndur

  • ID.4 ryður sér til rúms á rafbílamarkaðnum
  • Rafmótor með 150 kW (204 hestöfl) og allt að 520 km. drægni
  • Kraftmikil hönnun, ríkulegt innanrými, brautryðjandi stjórnbúnaður

Volkswagen kynnir með stolti ID.4 sem fagnaði í gær stafrænni frumsýningu á heimsvísu. Þetta er fyrsti alrafknúni sportjeppinn sem rúmar alla fjölskylduna frá Volkswagen. Hann er útblásturslaus og framleiddur með kolefnishlutlausu ferli. Með komu ID.4 bætist enn í flóru sportjeppa sem er stærsti markaðshluti heims.

„ID.4 er tilkomumikið, alhliða farartæki sem mun falla í kramið hjá mörgum viðskiptavinum fyrir frábæra aksturseiginleika, ríkulegt innanrými, nútímaleg aðstoðarkerfi og magnaða hönnun,“ segir Ralf Brandstätter, framkvæmdastjóri Volkswagen vörumerkisins. „ID.4 er framleiddur á MEB-grunninum sem var þróaður sérstaklega fyrir rafvæðingu í samgöngum á heimsvísu. Enn og aftur sýnir Volkswagen hversu leiðandi fyrirtækið er þegar kemur að nýsköpun, tækni og gæðum á bílamarkaði.“

Sportjeppar eru gríðarlega vinsælir og sífellt fleiri viðskiptavinir bætast í hópinn. Meiri veghæð veitir ökumönnum betri yfirsýn og það, ásamt auknu öryggi og þægindum, gerir sportjeppa að vinsælasta bílaflokknum í Bandaríkjunum og Kína. Í Evrópu og Þýskalandi hækkar markaðshlutdeildin einnig stöðugt í þessum flokki. Hann er rúmgóður, sveigjanlegur og býr yfir öllum þeim þægindum sem viðskiptavinir kunna að meta.

ID.4 er alhliða hæfileikabúnt sem hægt er að keyra á sportlegan en jafnframt einfaldan og þægilegan máta. Rafhlaðan rúmar allt að 77 kWst af orku (nettó) og drægnin er allt að 520 km (samkvæmt WLTP-staðlinum). Hún er staðsett fyrir neðan farþegarýmið sem tryggir lágan þyngdarpunkt ökutækisins. Rafmótorinn, sem er staðsettur á afturásnum, framleiðir 150 kW (204 hestöfl) sem er nóg til að fara úr 0 í 100 km / klst á 8,5 sekúndum og ná 160 km / klst hámarkshraða. Þökk sé sterku gripi afturhjóladrifsins og 21 sentímetra veghæð er ID.4 liðtækur í léttum torfærum.

Kraftmikið útlit. Ytra útlit ID.4 er sportlegt og einstaklega nútímalegt. Skýr og flæðandi hönnun er innblásin af náttúrunni og tryggir mjög góða lofthreyfifræði með loftviðnámsstuðulinn 0,28. Grunnútgáfa bílsins kemur með aðalljósum sem eru næstum fullbúin með ljósdíóðum og afturljósin nýta alfarið LED tæknina. Best búna útgáfan af ID.4 býr yfir gagnvirku IQ.Light LED ljósakerfi sem er enn framsæknara: það tekur á móti ökumönnum með snúningslinsueiningum og býr til hágeisla sem stjórnað er af gervigreind. Þessi aðalljós hafa verið pöruð saman við nýju þrívíðu LED afturljósaklasana sem eru eldrauð á lit. Veglegar felgur, allt að 21 tommur, undirstrika svo sterkan karakter bílsins.

Rúmgóð hönnun: langt hjólhaf, nægt rými fyrir bæði farþega og farangur.
ID.4, er 4,58 metrar að lengd og er byggður á MEB-tækninni (e. Modulary electric drive matrix). Rými fyrir farþega og tækni er skipt upp á alveg nýjan máta; farþegum í hag. Plássið í innanrými bílsins er á pari við sportjeppa í stærðarflokki ofar. Lita- og efnisval er nútímalegt en jafnframt látlaust. Farangursrýmið státar af 543 til 1,575 lítra geymslugetu sem fer eftir stöðu aftursætisins. Meðal búnaðar í bílnum má svo nefna rafknúið skottlok, þakboga og dráttarfestingu.

Hugmyndin að baki stjórnbúnaði ID.4 snýst ekki um hnappa og rofa. Hún er byggð á tveimur birtingarmyndum - annars vegar skjá sem mælist allt að 12 tommur á ská og er með snertivirkni - og hins vegar á náttúrulegri raddstýringu sem nefnist „Hello ID.”
Nýi snjallljósabúnaðurinn ID.Light - mjó ljósrönd undir framrúðunni – veitir ökumanni stuðning við akstur. Sjónlínuskjár er í boði þar sem hægt er að blanda miklu úrvali skjámynda við raunveruleikann. Til að mynda getur leiðsöguörvum, sem leiðbeina ökumanni hvar hann á að beygja, verið varpað á yfirborð vegarins á nákvæmlega réttri akrein. Leiðsögukerfið Discover Pro sér svo um að koma We Connect Start netþjónustunni um borð. IQ. Drive aðstoðarkerfin gera aksturinn enn afslappaðri og það á sérstaklega við um Travel Assist kerfið. Hug- og vélbúnaður í ID.4 hefur verið hannaður sem hluti af alveg nýrri byggingartækni sem gerir viðskiptavinum kleift að hlaða niður uppfærslum í bílinn eftir kaupin.

We Charge: hlöðum heima, á snatti um bæinn og í lengri ferðum
Ásamt ID. bílunum er Volkswagen að setja á markað fullkominn pakka fyrir þægilega, tengda og sjálfbæra hleðslu rafbíla undir nafninu We Charge. Um er að ræða fullkomna hleðslulausn fyrir allar aðstæður - hvort sem þú ert heima, að snatta, eða á löngu ferðalagi. Hægt er að hlaða ID.4 með jafnstraumi til að ná 320 km á DC hraðhleðslustöð á um það bil 30 mínútum.

Samhliða þessu er Volkswagen að koma á fót vistkerfi sjálfbærrar rafvæðingar í kringum ID. bílana. Viðskiptavinir ID.4 fá bíl í hendurnar sem hefur verið framleiddur með kolefnishlutlausu ferli og ef hann er hlaðinn með rafmagni sem framleitt er með sjálfbærum hætti verður bíllinn einnig kolefnishlutlaus á veginum.

Stefna Volkswagen: framtíðin er rafræn
Upp á síðkastið hefur Volkswagen verið að bæta ID. fjölskyldunni – sem er ný og sjálfstæð vörulína - við hefðbundið úrval vörumerkisins. Í framtíðinni stefnir Volkswagen á að tefla ID.4 fram á heimsvísu og selja hann ekki aðeins í Evrópu heldur einnig í Kína og síðar í Bandaríkjunum. Í heildina hyggst Volkswagen vörumerkið fjárfesta ellefu milljörðum evra í rafvæðingu samgangna fram til ársins 2024 sem hluta af Transform 2025+ strategy.

Mitsubishi Motors Corporation (MMC)

Mitsubishi Motors Corporation (MMC) tilkynnti við lokun markaða í gær 27. júlí að fyrirtækið hyggist frysta innleiðingu nýrra gerða Mitsubishi í Evrópu. Rekstur MMC hafi verið erfiður og tap verið á rekstrinum. Evrópumarkaður er hlutfallslega lítill fyrir framleiðandann og COVID-19 hefur gert stöðuna verri. Í ljósi þessa hefur félagið ákveðið að til skamms tíma verði höfuðáherslan á Asíumarkað. HEKLA, umboðsaðili MMC á Íslandi, mun halda sölu núverandi tegunda Mitsubishi bifreiða áfram.

Ákvörðun MMC hefur engin áhrif á eigendur Mitsubishi bifreiða. HEKLA mun áfram þjónusta bílana og ábyrgðarskilmálar verða óbreyttir, 5 ára ábyrgð á bifreiðum og 8 ára ábyrgð á rafhlöðum.

Sumarhátíð HEKLU

Verið velkomin á sumarhátíð HEKLU. Við frumsýnum fyrsta Skoda tengiltvinnbílinn Superb iV og nýjasta fjölskyldubílinn Kamiq. Einnig frumsýnum við 35" breyttan og töffaralegan Mitsubishi L200 sem er tilbúinn í íslenska sumarið og draumaferðabílinn Volkswagen California sem bíður spenntur eftir ferðafélögum! Audi e-tron 50 verður að sjálfsögðu á staðnum ásamt Q5 TFSI e sem er rafmagnaður tengiltvinnbíll. Ásamt frumsýningarstjörnum dagsins mun Volkswagen T-Cross sýna gestum lipra og sportlega takta og hinn alrafmagnaði e-up! hve risasmár og knár hann er. Af völdum aukahlutum verður 20% afsláttur.

Bæjarins Bestu verða á staðnum með grillvagninn sinn og á staðinn mæta blaðrari og ráfari frá Sirkus Íslands. Komdu og fagnaðu sumri með okkur og öllum félögunum úr bílaflota HEKLU.

Skoða viðburð á Facebook

Við hlýðum Víði. Starfsfólk HEKLU gætir þess að fylgja kröfum varðandi fjöldatakmarkanir og sótthreinsun svæða.

Hlökkum til að sjá þig!