Fara í efni

Fréttir

Mitsubishi fagnar sumri!

Laugardaginn 27. apríl ætlar Mitsubishi að hylla komandi sumar með heljarinnar hátíðarhöldum sem haldin verða í Mitsubishi salnum Laugavegi 172 frá klukkan 12 til 16.

Veislustjóri er enginn annar en Gunni Helga, rithöfundur, leikari og veiðimaður. Boðið verður upp á stútfulla dagskrá þar sem veislutjórinn stjórnar skemmtilegum sumarleikjum fyrir unga sem aldna. Sex heppnir krakkar fá áritað eintak af nýjustu bók Gunna Helga, Barist í Barcelona. Einn af hápunktum dagsins verður svo bakkkeppni á hörkutólinu Mitsubishi L200 þar sem heiður og bikar eru að veði 

Auk Gunna verða á svæðinu Vargurinn Snorri Rafnsson sem mætir á sérútbúna L200 Vargsbílnum sínum og kynnir hörkutilboð á L200. Sjónvarpsmaðurinn Eggert Skúlason úr Sporðaköstum kynnir þættina sína og segir veiðisögur.

Salurinn opnar klukkan 12.00 og honum verður skipt niður eftir áherslum. Þannig fagnar Mitsubishi leikjasumrinu með krökkum á öllum aldri þar sem Gunni Helga leiðir leiki og almenn skemmtilegheit og les upp úr nýjustu bókinni sinni. Þau börn sem taka þátt í laufléttri getraun geta átt möguleika á að vinna bókina en dregið verður úr potti á hálftíma fresti. Við hefjum veiðisumarið í sér rými þar sem Vargurinn og Eggert Skúlason ráða ríkjum og segja veiðisögur. Tilboð verður á veiðikortinu sem veitir leyfi til veiði í 34 vötnum allt í kringum landið. Veiðiflugur kynna íslenskan veiðibúnað og Baldur Hermannson fluguhnýtari verður á staðnum. Ferðalög og útivist leika aðalhlutverkið í stóra salnum okkar þar sem Outlander PHEV og útivistarbúnaður af öllu tagi koma saman frá Víkurvögnum, Útilífi, Erninum og Stillingu auk þess sem Ísorka kynnir hleðsluþjónustu sína við ferðalanga.

Ýmis tilboð verða á fjölhæfum bílum í ferðalagið ásamt viðlegu- og veiðibúnaði og allir krakkar fá sumargjafir og ís. Viðburðurinn stendur frá klukkan 12 til 16 og allir eru velkomnir.

Hlökkum til að sjá ykkur!

 

Vegna innköllunar á Takata öryggispúðum í Mitsubishi bílum

Hekla hf. hefur kallað inn Mitsubishi bíla með Takata öryggispúða til viðgerðar. Innköllunin nær til eftirarandi bifreiða með Takata öryggispúðum: Mitsubishi Lancer árgerð 2003 til 2008, Mitsubishi L200 árgerð 2007-2016, Mitsubishi Pajero árgerð 2007 – 2017 og Mitsubishi i-MiEV árgerð 2010-2013.

Hættan felst í að við árekstur sem er nógu harður til að öryggispúðinn eigi að blása út, geta málmflísar úr púðahylkinu losnað og valdið meiðslum á farþega. Ekki hefur borist tilkynning um að þessi bilun hafi orðið í bílum frá Mitsubishi. Fyrrgreind bilun í bílum, sem eru með öryggispúða frá sama framleiðanda hefur einungis átt sér stað þar sem hita- og rakastig er mjög hátt.

Öryggi ökumanna og farþega er okkur gríðarlega mikilvægt og er þessi innköllun nauðsynleg varúðarráðstöfun til þess að gæta fyllsta öryggis. Viðgerðin sem er bíleigendum að kostnaðarlausu hjá öllum viðurkenndum Mitsubishi þjónustuverkstæðum, tekur um það bil tvær klukkustundir felst í því að skipt er um loftpúðahylki.

Hafir þú frekari spurningar varðandi þessa innköllun eða villtvita hvot þessi innkölun eigi við um þinn bíl, vinsamlegast hafðu samband í gegnum netfangið: upplysingar@hekla.is eða í síma 590 5030.

Skoda Octavia er 60 ára og þú færð pakka!

Það var árið 1959 sem vinsæli fjölskyldubíllinn Skoda Octavia leit fyrst dagsins ljós. Á þeim 60 árum sem liðin eru hefur þessi margverðlaunaði bíll verið seldur í næstum 6.5 milljónum eintaka - geri aðrir betur.

Í tilefni stórafmælisins bjóðum við þennan vinsæla fjölskyldubíl með fríum afmælispakka sem inniheldur aukabúnaði sem gerir aksturinn enn skemmtilegri.

Í afmælispakkanum leynist:

  • Climatronic miðstöð
  • Hiti í stýri
  • Hiti í framrúðu
  • Fjarlægðartengdur hraðastillir
  • Krómpakki

Verðmæti pakkans er 320.000 kr.

Komdu og prófaðu Octaviu og finndu út hvað það er sem gerir hana svona einstaka. Hlökkum til að sjá þig!

 

Samstarf HEKLU og Emmsjé Gauta

Í kjölfar frétta um úrskurð Neytendastofu varðandi samstarf Emmsjé Gauta og HEKLU í tengslum við Audi Q5 bifreið sem Gauti hefur á rekstrarleigu vill Hekla hf. árétta að hvort tveggja Hekla og Emmsjé Gauti notuðu myllumerkið #audi_island í öllum færslum í góðri trú um að með því væri verið að fara að leiðbeiningum Neytendastofu um auðþekkjanlegar auglýsingar. Frá því að Heklu barst fyrst erindi Neytendastofu hefur myllumerkinu #AudiSamstarf verið bætt við allar færslur og nýlega einnig myllumerkið #AudiAuglýsing. Þar að auki birtu báðir aðilar tilkynningu þess efnis í upphafi samstarfs með það í huga að það væri greinilegt að um samstarf væri að ræða. 

Hekla hf. biðst velvirðingar á þessu og mun gera betur í framtíðinni. 

#audi_island #audiauglysing #audisamstarf #hekla #heklubill 

Bremsutilboð HEKLU

Það er mikilvægt öryggisatriði að hafa bremsurnar á bílnum í lagi. Nú hafa HEKLA og þjónustuaðilar um land allt tekið höndum saman til að tryggja öryggi ökumanna þegar keyrt er inn í sumarið.

Bremsutilboðið felur í sér 15% afslátt af bremsuvarahlutum og 10% afslátt af vinnu. 

Hjá hraðþjónustu HEKLU eru allar smærri viðgerðir afgreiddar samdægurs. Bókaðu tíma í síma 590 5030 eða renndu við. 

Tilboðið gildir á eftirfarandi stöðum:

Höfuðborgarsvæðið:  

HEKLA hf.
Laugavegi 170 - 174, 105 Reykjavík
590-5030
thjonusta@hekla.is
Tímabókun á netinu

Bílson ehf.
Kletthálsi 9, 110 Reykjavík
568-1090
bilson@bilson.is
   
Vestfirðir: Reykjanes:
Bílaverkstæði SB á Ísafirði
Sindragötu 3
456-3033
verkstjori@bsb.is
HEKLA Reykjanesbæ
Njarðarbraut 13, 260 Reykjanesbær
590-5090
fyrirspurnrnb@hekla.is
   
Norðurland:  
Bílaverkstæði K.S.
Hesteyri 2, 550 Sauðarkróki
455-4570
gunnar.valgardsson@ks.is
Höldur hf.
Þórsstígur 4, 600 Akureyri
461-6060
verk@holdur.is
   
Suðurland: Austurland:

Bílaverkstæðið Klettur
Hrísmýri 3, 800 Selfossi
482-4012
klettur@kletturehf.is

Bílaverkstæði Austurlands
Miðás 2, 700 Egilsstaðir
470-5070
info@bva.is

 

 

Páskapakki Mitsubishi!

Nú fylgir 340.000 króna aukahlutapakki að eigin vali með öllum nýjum Mitsubishi Outlander PHEV. Hann er fyrsti fullvaxni rafknúni fjórhjóladrifsbíllinn í heiminum og mest selda bifreiðin á Íslandi 2018. Skyldi engan undra enda mörgum kostum búinn. Hann er vistvænn kostur, rúmgóður, tæknivæddur og á góðu verði. Kynntu þér þennan frábæra farkost. 

Nánar um Outlander PHEV

Outlander PHEV í vefverslun HEKLU

HÖRKUTILBOÐ Á MITSUBISHI L200!

Nú býðst þessi vinsæli pallbíll á sérstöku páskatilboði með þremur mismunandi aukahlutapökkum.  Hvort sem þú vilt vandað hús á pallinn, sérstyrkt palllok, eða vilt hreinlega flottan upphækkaðan pallbíl, þá erum við með frábært tilboð fyrir þig. Allir bílarnir koma með 33'' breytingu sem gerir þá  afar skemmtilega í akstri og útlitið verður hrikalega töff.

HÖRKUPAKKI A - 33“ breyting, Good Year jeppadekk, gluggahlíf og húddhlíf

  • Intense beinskiptur: 5.750.000 kr.
  • Intense sjálfskiptur: 6.450.000 kr.
  • Instyle sjálfskiptur: 6.750.000 kr.

HÖRKUPAKKI B - 33'“ breyting og hamrað palllok með grind (veltigrind)

  • Intense beinskiptur: 5.990.000 kr.
  • Intense sjálfskiptur: 6.750.000 kr.
  • Instyle sjálfskiptur: 6.990.000 kr.

HÖRKUPAKKI C - 33'' breyting og Mitsubishi pallhús 

  • Intense beinskiptur: 5.990.000 kr.
  • Intense sjálfskiptur: 6.750.000 kr.
  • Instyle sjálfskiptur: 6.990.000 kr.

Mitsubishi L200 4x4 er fullkomin blanda fólks- og pallbíls. Hann er byggður á heilli grind, er með hátt og lágt drif, dráttargetu upp á 3.1 tonn og 450 Nm togkraft. Þessir eiginleikar bílsins gera hann afar aðlaðandi fyrir athafnasamt fólk, hvort sem um ræðir krossara, veiðimenn, hestafólk, verktaka eða golfara enda auðvelt að breyta L200 með aukahlutum sem henta hverjum og einum.

Tilboðið gildir til 30.4.2019

 

Bókaðu þjónustuskoðun á netinu

Finndu þann tíma sem hentar þér best

Nú geta eigendur HEKLU bíla fundið þann tíma sem þeim hentar best og bókað sjálfir þjónustuskoðun fyrir bílinn á netinu. Tryggðu verðmæti bílsins og haltu ábyrgðinni með því að láta þjónustuskoða hann reglulega hjá viðurkenndum aðila.

 

Ýtið hér til þess að velja þá þjónustuskoðun sem við á. 

 

Við hjá Heklu erum stolt af bifreiðaverkstæðinu okkar. Bifreiðaverkstæði Heklu hefur áralanga reynslu í að annast viðgerðir og þjónustuskoðanir fyrir Volkswagen, Skoda, Audi og Mitsubishi. Við erum ávallt að bæta þekkingu fagmanna okkar ásamt því að við tileinkum okkur nýjustu tækni fyrir bifreiðina þína hverju sinni. Með öðrum orðum - við gjörþekkjum bílinn þinn.

Fagmenn okkar eru sérhæfðir í hverri bíltegund fyrir sig. Þeir mynda teymi sem sérhæfa sig í þeim bifreiðum sem þeirra teymi annast. Stanslaus miðlun þekkingar frá framleiðendum ásamt virku námskeiðshaldi allan ársins hring gerir fagmannin sem annast þína bifreið eins vel í stakk búinn eins og möguleiki er á. Aukin þekking fagmanna styttir tíma og eykur öryggi í bilanagreiningu sem leiðir til mun bættrar þjónustu við þig.

Bílar eru með stærri fjárfestingum sem lagst er í og því mikilvægt að viðhalda verðgildi bílsins. Við hjá Heklu veitum 2ja ára ábyrgð á öllum varahlutum og þeirri vinnu sem framkvæmd er á verkstæði okkar. Það er mikilvægt fyrir líftíma, endingu og öryggi bílsins að láta framkvæma reglulegar þjónustuskoðanir. Það tryggir einnig hámarksverð í endursölu og gerir bílinn þinn mun vænlegri söluvöru.  Einstök gæði uppruna varahluta og hátt tæknistig stuðla að því að þú haldir verðgildi bílsins eins og kostur er til. Það er okkar metnaður að þú verndir fjárfestingu þína eins vel og mögulegt er.

 

Hér finnur þú upplýsingar um þjónustuþörf HEKLU bíla.

Úrval vistvænna ökutækja

HEKLA er umboðsaðili fyrir Audi, Mitsubishi, Skoda og Volkswagen; vörumerki sem eru leiðandi í tækniframförum, hönnun og þróun fjölbreyttra aflgjafa. Úrvalið er óþrjótandi hvort sem um ræðir bíla sem knúnir eru áfram af bensíni, dísil, metan, rafmagni eða blöndu tveggja aflgjafa.

Í dag býður HEKLA upp á þrettán vistvæna bíla og von er á fjölmörgum í viðbót. Þessi tala endurspeglar vistvænar áherslu fyrirtækisins en HEKLA er leiðandi í sölu á vistvænum bílum með 53,30% markaðshlutdeild árið 2018

Þegar rætt er um vistvæna bíla er átt við hreina rafbíla sem ganga eingöngu fyrir rafmagni, tengiltvinnbíla sem ganga fyrir raforku og bensíni eða raforku og dísil og tvinnbíla sem ganga fyrir metani og bensíni. 

Raforka sem aflgjafi

Raforkan á íslandi kemur eingöngu frá hreinum, endurnýjanlegum orkugjöfum og því ærin ástæða til að skipta yfir í rafbíl. Í dag getur þú ekið með endurnýjanlegri orku frá íslenskum fallvatns- og gufuaflsvirkjunum þegar þú hleður raf- og tengiltvinnbíla. Í dag eru um 140 hleðslustöðvar víðsvegar um landið, þar af um 50 hraðhleðslustöðvar, þar sem hægt er að hlaða hreina rafmagnsbíla sem og tengiltvinnbílinn Mitsubishi Outlander PHEV. 

Metan sem aflgjafi

Helsti ávinningur af bílum sem ganga fyrir metani er eldsneytissparnaðurinn en metan er eitt ódýrasta eldsneyti sem um getur. Í samanburði við bensín er metan 34% ódýrari kostur. En metan er ekki aðeins kostnaðarvænt heldur líka umhverfisvænt og íslenska metanið er í allra hæsta gæðaflokki með allt að 98% hreinleika. Í dag er metan eldsneyti afgreitt á fjórum stöðvum á höfuðborgarsvæðinu og á einni stöð á Akureyri. 

Volkswagen er með fjölbreytt úrval bíla með vistvæna aflgjafa. Hreinir rafbílar eru e-up! og e-Golf en von er á atvinnubílunum e-Crafter, e-Caddy og e-Transporter og forsala á rafbílnum I.D hefst á árinu. Tengiltvinnbílar Volkswagen eru tveir; Golf GTE og Passat GTE, og í boði eru metanbílarnir eco-up!, Golf TGI og Caddy TGI.

Audi býður upp á rafbílinn Audi e-tron og metanbílinn Audi g-tron. Tengiltvinnbílarnir eru tveir, A3 e-tron og Q7 e-tron. Síðar á árinu koma svo tengiltvinnbílarnir q5 e-tron og A7 e-tron.

Hjá Mitsubishi er sá vinsælasti tengiltvinnbíllinn Outlander PHEV en hann er fyrsti fullvaxni rafknúni fjórhjóladrifsbíllinn í heiminum og mest selda bifreiðin á Íslandi árið 2018.

Metanbíllinn Octavia G-TEC er vistvænasti fararskjótinn frá Skoda en framundan er mikil aukning í úrvali á vistvænum kostum frá framleiðandanum. Á næsta ári er von á rafrifnum Citigo og glæsikerran Superb mun bjóðast sem tengiltvinnbíll. Alls verða 10 rafdrifnir bílar frá Skoda komnir á markað árið 2020.

Smelltu hér til að skoða úrval vistvænna bíla HEKLU inn á sýningarsal okkar á netinu þar sem opið er allan sólarhringinn.

Vefveisla HEKLU

HEKLA hefur opnað nýja vefverslun, www.hekla.is/vefverslun og af því tilefni verður blásið til heljarinnar veislu laugardaginn 9. mars milli klukkan 12 og 16 á Laugavegi 170-174 sem og hjá HEKLU notuðum bílum að Kletthálsi 16.

Veltibíllinn sívinsæli mætir á Laugaveginn og býður gestum uppá snúning en fyrir krakkana verður líka andlitsmálning í boði auk þess sem blöðrulistamenn sýna listir sína.

Ljúffengir kleinuhringir frá Krispy Kreme verða í boði á meðan birgðir endast og auðvitað safar og gos til að skola þeim niður með.

Margvísleg tilboð verða á bæði nýjum sem notuðum bílum frá HEKLU og aukahlutum. Þar má nefna sérstök veftilboð á Volkswagen e-Golf, Audi Q7 e-tron, Skoda Karoq, Mitsubishi Eclipse og fleiri nýjum bílum. Notaðir bílar HEKLU á Kletthálsinum bjóða vel valda gullmola á sértilboði og á aukahlutum verður 20% afsláttur af öllum þverbogum, hjóla- og skíðafestingum auk annarra tilboða.

Í marsmánuði verður skemmtilegur páskaleikur í gangi í HEKLU þar sem þú getur mætt á svæðið og talið páskaeggin í skottinu á æðislegum appelsínugulum Volkswagen Polo og skráð þig til leiks á heimasíðu HEKLU. Vikulega verða dregin út tvö páskaegg frá Góu og hvorki meira né minna en 100.000 króna inneign í aukahlutaverslun HEKLU!

„Opið er allan sólarhringinn í nýrri og glæsilegri vefverslun HEKLU og þar er hægt að skoða úrval bíla sem til eru á staðnum, eða eru á leiðinni til landsins, frá Audi, Volkswagen, Skoda og Mitsubishi. Hægt er að skoða staðalbúnaðinn, hvaða aukabúnaður fylgir bílunum og hvað þeir kosta. Þú getur pantað þér þinn uppáhaldsbíl á vefnum. Í vefversluninni er einnig hægt að skoða úrvalið á aukahlutum frá öllum okkar merkjum, ganga frá kaupum og fá þá heimsenda. Þetta er mjög spennandi þróun sem við vonum að viðskiptavinir okkar kunna vel að meta,“ segir Jóhann Ingi Magnússon vörumerkjastjóri og hvetur fólk til að líta við í veisluna á laugardaginn.